رەسەيدە قارىزى بويىنشا ءماجىلىستىڭ ەكس-سپيكەرى نۇرلان نىعماتۋليننىڭ ۇلدارىنا قاتىسى بار قازاقستاندىق «نوۆودجامبىل فوسفور زاۋىتى» (ندزف) جشس اكتيۆتەرى تاركىلەندى. بۇل تۋرالى رەسەيلىك «كوممەرسانت» باسىلىمى جازدى، دەپ حابارلايدى “ادىرنا” ۇلتتىق پورتالى.
«كەمەروۆو وبلىسىنىڭ اربيتراجدىق سوتى «نوۆوكۋزنەتسك تاۋ-كەن كومپانياسى» جاۋاپكەرشىلىگى شەكتەۋلى سەرىكتەستىگىنىڭ وتىنىشتەرىن قاناعاتتاندىرىپ، قازاقستان رەسپۋبليكاسىنان «نوۆودجامبۋل فوسفور زاۋىتى» جشس-ءنىڭ (ندزف) «قازاقستان حالىق بانكى» اق مەن ماسكەۋدەگى موسكوممەرتسبانك وك-نى تاركىلەدى. تاركىلەنگەن سوما 196,33 ميلليون ءرۋبلدى جانە 513,23 ميلليون ءرۋبلدى قۇرادى» دەپ حابارلايدى باسىلىم.
سوت ماتەريالدارىندا ايتىلعانداي، اتالعان تالاپتار بويىنشا الدىن الا تىڭداۋلار 22 ءساۋىر مەن 29 مامىرعا بەلگىلەندى.
«ءوندىرۋ قازاقستاندىق سەرىكتەستىڭ تاۋ-كەن كومپانياسىمەن كەلىسىم-شارتتارى بويىنشا بەرىلگەن قارىزىنا بايلانىستى جۇرگىزىلۋدە. ونىڭ ۆەب-سايتىندا “كومىر كوكسىن جەتكىزەدى” دەپ جازىلعان. «NDZF» جشس فوسفاتتاردى ءبولىپ الىپ، تىڭايتقىشتار مەن باسقا دا ونىمدەردى وڭدەيدى»، دەپ ناقتىلايدى باسىلىم.
