الماتىدا بىرنەشە اي بۇرىن اۆتوبۋستاعى وقيعا 3 ادامنىڭ ولىمىنە اكەلگەن. قازىر جول اپاتىنا كىنالى دەپ تانىلعان ازاماتقا قاتىستى سوت وتىرىسى جالعاسىپ جاتىر، دەپ حابارلايدى "ادىرنا" ءتىلشىسى Stan.kz-كە سىلتەپ.
بۇگىندە ءىس الماتى قالاسىنداعى الاتاۋ اۋداندىق سوتىندا قارالۋدا. سوتتالۋشى – اۆتوبۋس اپاتىنا كىنالى دەپ تانىلعان 32 جاستاعى دارحان احمەتجانوۆ.
سوت بارىسىندا سوتتالۋشىنىڭ اۆتوبۋس جۇرگىزۋشىسىن ۇرعانى بايقالعان بەينەجازبا كورسەتىلدى. كۋاگەرلەردىڭ سوزىنشە، جۇرگىزۋشى كۇدىكتىنى جولاقىسىن تولەمەگەنى ءۇشىن كولىكتەن تۇسىرمەي قويعانىن كورىنەدى.
ال سوتتالۋشى جۇرگىزۋشىنىڭ وزىنە بالاعات سوزدەر ايتىپ وسى ارقىلى ءوزىن ارانداتقانىن العا تارتتى.
“ماعان “مەن سەن سياقتى مالداردى بىلەمىن” دەپ تۇسىرمەي قويدى”، – دەپ اقتالادى احمەتجانوۆ.
ال سۋديا سوتتالۋشىدان جۇرگىزۋشىنى نە سەبەپتى ۇرعانىن سۇرادى.
“جارايدى، سىزگە بالاعات سوزدەر ايتسىن دەلىك. اۆتوبۋستان تۇسكەسىن پوليتسيا شاقىرىپ، ارىز جازىپ، نەگە باسقاشا ارەكەت ەتپەدىڭىز. نە سەبەپتى ۇردىڭىز؟! قولىڭىزدا پىشاق بولسا، سۇعىپ الار ما ەدىڭىز؟! قولىڭىزدى نەگە قولداناسىز؟”، – دەدى سۋديا.
ەر ادام ءوز ارەكەتىنە قاتتى وكىنەتىنىن ايتىپ، اقتالعان.
ەسكە سالا كەتەيىك، الماتىدا 2023 جىلعى 22 جەلتوقساندا 18 ساعات 15 مينۋتتا 47-باعىتتاعى قوعامدىق كولىكتىڭ جولاۋشىسى جانجال سالدارىنان جۇرگىزۋشى ايەلدى ۇرعان، ول ەسىنەن تانىپ، كولىكتى باسقارا الماي بىرنەشە ادامدى باسىپ كەتكەن. 3 ادام قازا تاپقان.
