Almatyda birneshe aı buryn avtobýstaǵy oqıǵa 3 adamnyń ólimine ákelgen. Qazir jol apatyna kináli dep tanylǵan azamatqa qatysty sot otyrysy jalǵasyp jatyr, dep habarlaıdy "Adyrna" tilshisi Stan.kz-ke siltep.
Búginde is Almaty qalasyndaǵy Alataý aýdandyq sotynda qaralýda. Sottalýshy – avtobýs apatyna kináli dep tanylǵan 32 jastaǵy Darhan Ahmetjanov.
Sot barysynda sottalýshynyń avtobýs júrgizýshisin urǵany baıqalǵan beınejazba kórsetildi. Kýágerlerdiń sózinshe, júrgizýshi kúdiktini jolaqysyn tólemegeni úshin kólikten túsirmeı qoıǵanyn kórinedi.
Al sottalýshy júrgizýshiniń ózine balaǵat sózder aıtyp osy arqyly ózin arandatqanyn alǵa tartty.
“Maǵan “men sen sııaqty maldardy bilemin” dep túsirmeı qoıdy”, – dep aqtalady Ahmetjanov.
Al Sýdıa sottalýshydan júrgizýshini ne sebepti urǵanyn surady.
“Jaraıdy, sizge balaǵat sózder aıtsyn delik. Avtobýstan túskesin polıııa shaqyryp, aryz jazyp, nege basqasha áreket etpedińiz. Ne sebepti urdyńyz?! Qolyńyzda pyshaq bolsa, suǵyp alar ma edińiz?! Qolyńyzdy nege qoldanasyz?”, – dedi sýdıa.
Er adam óz áreketine qatty ókinetinin aıtyp, aqtalǵan.
Eske sala keteıik, Almatyda 2023 jylǵy 22 jeltoqsanda 18 saǵat 15 mınýtta 47-baǵyttaǵy qoǵamdyq kóliktiń jolaýshysy janjal saldarynan júrgizýshi áıeldi urǵan, ol esinen tanyp, kólikti basqara almaı birneshe adamdy basyp ketken. 3 adam qaza tapqan.
