ورالدا ەر ادام فۋتبول ماتچىندا قايتىس بولدى، دەپ حابارلايدى “ادىرنا” ۇلتتىق پورتالى "موي گورود". سايتىنا سىلتەمە جاساپ.
وقيعا 17 قىركۇيەكتە ساعات 12:00 شاماسىندا "اقجايىق" ستاديونىندا بولدى.
بقو دەنە شىنىقتىرۋ جانە سپورت باسقارماسى باسشىسىنىڭ ورىنباسارى دەنيس نىعماتۋلليننىڭ ايتۋىنشا، ستاديوندا 50 جاستان اسقان ارداگەرلەر اراسىندا رەسپۋبليكالىق سپارتاكيادا وتكەن. الاڭدا قىزىلوردا جانە تۇركىستان وبلىستارىنىڭ كوماندالارى ويناعان.
"ويىن بارىسىندا قىزىلوردا وبلىسىنان كەلگەن ءبىر ويىنشى اۋىرىپ قالدى. ەر ادام قۇلاپ، ەسىنەن تانىپ قالدى. وعان العاشقى مەديتسينالىق كومەك كورسەتىلدى، وكىنىشكە قاراي، ول قايتىس بولدى، - دەدى دەنيس نىعماتۋللين.
بقو دەنساۋلىق ساقتاۋ باسقارماسىنىڭ ءباسپاسوز قىزمەتى مالىمەتىنشە، مەديتسينالىق جاردەم ستانتسياسىنا قوڭىراۋ 11.54-تە تۇسكەن. كەلگەننەن كەيىن دارىگەرلەر ونىڭ قايتىس بولعانىن انىقتاعان. مارقۇم 59 جاستا ەدى. ءولىمنىڭ ناقتى سەبەبىن سوت-مەديتسينالىق ساراپتاما كورسەتەدى.
”ادىرنا” ۇلتتىق پورتالى
