Önerkäsıp jäne qūrylys vise-ministrı Timur Qaraǧoişin qyzmetınen bosatyldy, dep habarlaidy "Adyrna" tılşısı.
Qazaqstan Respublikasy Ükımetınıŋ qaulysymen Timur Jienbaiūly Qaraǧoişin zeinetkerlık jasqa toluyna bailanysty önerkäsıp jäne qūrylys vise-ministrı qyzmetınen bosatyldy.
Ol 1961 jyly Batys Qazaqstan oblysynda düniege kelgen. Almaty säulet-qūrylys institutyn, Tehnologiia, qūrylys, baǧalau jäne sapany basqaru universitetın tämamdaǧan.
Timur Jienbaiūly eŋbek jolyn 1978 jyly bastaǧan. Keiınnen 1985-1991 jyldary – jyljymaly mehanikalandyrylǧan kolonnalardyŋ şeberı, proraby.
1991-1994 jyldary – «Säulet» Furmanov şaǧyn käsıporny, Oral oblystyq atqaru komitetınıŋ säulet jäne qūrylys komitetınıŋ şaruaşylyq eseptegı jobalau-öndırıstık säulet-josparlau biurosynyŋ direktory, 1994-1996 jyldary – BQO Jalpaqtal audandyq äkımşılıgı basşysynyŋ orynbasary, al 1996-2001 jyldary – «Oralavtojol» qazynalyq käsıpornynyŋ bas mamany, direktordyŋ jol qory boiynşa orynbasary qyzmetterın atqardy.
2001-2002 jyldary – QR Ekonomika jäne sauda ministrlıgı Qūrylys ısterı komitetınıŋ Batys Qazaqstan oblystyq ortalyǧynyŋ direktory, 2002-2005 jyldary – BQO boiynşa Säulet-qūrylysty baqylau, inspeksiialau jäne lisenziialau basqarmasy basşysynyŋ m. a., basşysy, direktordyŋ orynbasary; İndustriia, sauda jäne şaǧyn biznestı qoldau departamentınıŋ direktory.
2005-2007 jyldary – Oral qalasy äkımınıŋ orynbasary, 2007-2008 jyldary – «Qazaqstan Temır Joly» ŪK» AQ filialynyŋ direktory, jobalau jäne kürdelı qūrylys direksiiasy.
2008 jylǧy qazan-qaraşa aralyǧynda – BQO äkımınıŋ keŋesşısı bolsa, 2009-2010 jyldary kommersiialyq ūiymdy basqardy.
2011 j. qaŋtar-şılde aralyǧynda – L.N. Gumilev atyndaǧy Euraziia ūlttyq universitetı rektorynyŋ keŋesşısı.
2011-2013 jyldary – Aqmola oblysy boiynşa Memlekettık säulet-qūrylys baqylau jäne lisenziialau departamentınıŋ direktory.
2013 jylǧy säuır-qaraşa aralyǧynda – QR Öŋırlık damu ministrlıgınıŋ Qūrylys jäne tūrǧyn üi-kommunaldyq şaruaşylyq ısterı komitetınıŋ Qūrylystaǧy smetalyq normalar basqarmasynyŋ basşysy, al 2013-2016 jyldary – «Memsaraptama» RMK bas direktorynyŋ bırınşı orynbasary, bas direktorynyŋ mındetın atqardy.
2016-2021 jyldary «Memsaraptama» ŞJQ RMK bas direktory qyzmetın atqarǧan.
2023 jylǧy säuırden bastap qazırgı uaqytqa deiın QR İndustriia jäne infraqūrylymdyq damu ministrlıgı Qūrylys jäne tūrǧyn üi-kommunaldyq şaruaşylyq ısterı komitetınıŋ töraǧasy – QR bas memlekettık qūrylys inspektory qyzmetın atqardy.
Eske sala keteiık, jyl basynda vise-ministr mäjılıs deputattarymen sözge kelgen. Janjal jaŋa Qūrylys kodeksınıŋ jobasyn talqylau kezınde tuyndaǧan edı.
Al vise-ministrdıŋ ūly Rustam Qaraǧoişin 9 aqpan künı «Bäiterek» holdingınıŋ basşysy bolyp taǧaiyndalǧan. Ol 2023 jyly ol Forbes nūsqasy boiynşa Qazaqstannyŋ eŋ yqpaldy 50 biznesmenınıŋ qataryna kırgen edı.
Ūqsas jaŋalyqtar
