قوستانايدا تاكسي جۇرگىزۋشىسى ءوزىن قۇتقارۋ ءۇشىن پوليتسيا كولىگىنە سوعىلدى، دەپ حابارلايدى “ادىرنا” پورتالى.
«قوستانايدا پوليتسەيلەر تاكسي جۇرگىزۋشىسىن پىشاقپەن قورقىتقان ەر ادامدى ۇستادى. ول ۋاقىتشا ۇستاۋ يزولياتورىنا قامالدى. وعان ءتورت جىلعا دەيىن باس بوستاندىعىنان ايىرۋ قىلمىستىق جاۋاپكەرشىلىگى تارتىلادى»، – دەپ حابارلادى پوليتسيا دەپارتامەنتىنىڭ ءباسپاسوز قىزمەتى.
پوليتسەيلەردىڭ مالىمەتىنشە، 7 قاڭتارعا قاراعان ءتۇنى رۋدنىي قالاسىنىڭ ەكى تۇرعىنى تاكسيمەن وبلىس ورتالىعىنا بارعان. سودان كەيىن جولاۋشى تاكسي جۇرگىزۋشىسىنىڭ موينىنا پىشاق تاقاپ، اقشا تالاپ ەتىپ، ونى باسقا ەلدى مەكەنگە جەتكىزۋىن تالاپ ەتكەن.
«پوليتسيا كولىگىن كورگەن تاكسي جۇرگىزۋشىسى نازار اۋدارتۋ ءۇشىن ادەيى سوقتىعىسقان. جاعدايدى پايدالانىپ، ول قاۋىپسىز قاشىقتىققا قاشىپ كەتكەن. وسى كەزدە كۇدىكتى وقيعا ورنىنان قاشىپ كەتپەك بولعان، بىراق ونى پاترۋلدىك پوليتسيا قىزمەتكەرلەرى ۇستادى»،- دەلىنگەن حابارلامادا.
قىلمىستىق ءىس «توناۋ ارەكەتى» فاكتىسى بويىنشا سوتقا دەيىنگى تەرگەۋ باستالدى.
ۆەدومستۆو ەشكىم زارداپ شەكپەگەنىن اتاپ ءوتتى. قىزمەتتىك اۆتوكولىككە جەڭىل ماتەريالدىق زالال كەلتىرىلگەن.
