قۇلسارىدا ەر ادامنىڭ ءمايىتى تابىلدى، دەپ حابارلايدى "ادىرنا" ءتىلشىسى.
اتىراۋ وبلىسى جىلىوي اۋدانىنا قاراستى قۇلسارى قالاسىندا سۋ باسقان ايماقتا ەر ادامنىڭ مۇردەسى تابىلدى.
جاۋاپتىلار ءمايىتتىڭ قۇتقارۋشىلار ىزدەپ جاتقان اكەسى مەن بالاسىنا قاتىسى جوق ەكەنىن حابارلادى.
"تاسقىن سۋ مايىتتەردى دە شايىپ كەتىپ، قۇلسارى قالاسىندا مۇردە تابىلدى. تابىلعان مۇردەنىڭ تاسقىن سۋ كەزىندە جوعالىپ، ىزدەستىرىلىپ جاتقان اكەسى مەن بالاسىنا قاتىسى جوق", - دەلىنگەن تجد حابارلاماسىندا.
سۋ تاسقىنىندا جوعالىپ كەتكەن اكەلى-بالالى ءالى كۇنگە دەيىن ىزدەستىرىلىپ جاتىر.
"2024 جىلعى 9 ساۋىردە ساعات 12:27-دە تجد قۇتقارۋشىلارى جىلىوي اۋدانى قۇلسارى قالاسى "رامازان" دۇكەنى تۇسىنان ەر ادامنىڭ مۇردەسىن تاۋىپ، پوليتسيا قىزمەتكەرلەرىنە تاپسىردى", - دەدى وبلىستىق تجد وكىلدەرى.
