وڭىردەگى جۇمىس ساپارى بارىسىندا اسكەري ۆەدومستۆو باسشىسى گەنەرال-مايور نۇرلان ەرمەكباەۆ ارىس ماڭىن قاراپ، ارسەنال مەن ىرگەلەس جاتقان اۋماقتى، سونداي-اق وق-دارىلەر قالدىقتارىن جويۋ بويىنشا پوليگوندى تەكسەردى.
ۆەدومستۆو تاراتقان اقپارات بويىنشا، وق-دارىلەر قالدىقتارىن تازارتۋ جونىندەگى شارالاردى ورىنداپ جاتقان ينجەنەرلىك-ساپەرلىك، ماتەريالدىق-تەحنيكالىق بولىمشەلەر جانە اسكەري ءورت سوندىرۋشىلەر جەكە قۇرامىمەن قاۋىپسىزدىك شارالارىن ساقتاۋ جونىندە نۇسقاما جۇرگىزىلگەن.
"قورعانىس ۆەدومستۆوسىنىڭ باسشىلىعى بىرقاتار ناقتى تاپسىرمالار قويدى. ءبىرىنشى كەزەكتە ادامداردىڭ قاۋىپسىزدىگىن قامتاماسىز ەتۋ. ەكىنشى كەزەكتە وق-دارىلەردىڭ بولىكتەرىن ىزدەستىرۋ جانە شىعارۋ بويىنشا جۇمىستاردى اتقارىپ جۇرگەن اسكەري قىزمەتشىلەردىڭ قاۋىپسىزدىگى. سونداي-اق كۇردەلى اۋا رايى جاعدايىندا تاۋلىك بويى جۇمىس جاساپ جاتقان قر قك بولىمشەلەرىنىڭ جەكە قۇرامىمەن كەزدەسۋ ءوتتى", - دەلىنگەن حابارلامادا.
جوعارعى باس قولباسشى اتاپ وتكەندەي، توتەنشە جاعدايلاردىڭ سالدارىن جويۋ جونىندەگى اسكەري قىزمەتشىلەردىڭ جۇمىسى جاۋىنگەرلىك تاپسىرمانى ورىنداۋعا تەڭەستىرىلەدى. توتەنشە جاعداي سەبەپتەرىن ايقىنداۋ بويىنشا ىشكى قىزمەتتىك تەرگەپ-تەكسەرۋدى جۇرگىزۋ ءۇشىن نۇرلان ەرمەكباەۆپەن بىرگە قر قورعانىس مينيسترلىگى باس ينسپەكتسياسىنىڭ كوميسسياسى كەلدى. سۋرەتتەر قورعانىس مينيسترلىگىنىڭ ءباسپاسوز قىزمەتىنەن ەستەرىڭىزگە سالا كەتسەك، وسى وڭىردە جارىلماعان وق-دارىلەردى تيەۋ جانە شىعارۋ، سونداي-اق وق-دارىلەردىڭ قالدىقتارىن جويۋ جونىندەگى جۇمىستار باستالعانىن حابارلاعان بولاتىنبىز. قالا تۇرعىندارى ءۇشىن اتالعان جۇمىستار ەش قاۋىپ تۋعىزبايدى.
"ادىرنا" ۇلتتىق پورتالى