قازاقستاندىق اۋىر اتلەتتەر ليتسەنزيالىق الەم كۋبوگىندا جارىس جولىن اياقتادى، دەپ حابارلايدى "ادىرنا" ءتىلشىسى.
تاۋەلسىز قازاقستان تاريحىندا اۋىر اتلەتتەرىمىز العاش رەت وليمپيادا ويىندارىنا قاتىسۋ مۇمكىندىگىنەن تىس قالىپ وتىر.
تايلاندتا ءوتىپ جاتقان بىرىنشىلىكتە باق سىناپ جاتقان سپورتشىلارىمىز اراسىنان جانكۇيەرلەر 89 كەلى سالماقتا سەرگەي پەتروۆيچكە سەنىم ارتقان. الايدا ليتسەنزيالىق جارىستا باپكەرلەر ونى C توبىندا سىنعا قوستى. ال سپورتشى پەتروۆيچ ءوزى باق سىناعان توپتا توپ جارعانىمەن ونىڭ سالماعىنداعى وليمپيادا جولداماسىنىڭ يەگەرلەرى ا جانە ۆ توبى اراسىنداعى جەڭىمپازدار اراسىندا انىقتالىپتى.
ەستەرىڭىزگە سالا كەتەيىك، ەلىمىزدە وسى ۋاقىتقا دەيىن يليا يلين، زۋلفيا چينشانلو، مايا مانەزا، سۆەتلانا پودوبەدوۆا چەمپيون اتانعان. بىراق سپورتشىلاردىڭ دوپينگ قولدانعانى دالەلدەنىپ، بارلىعى مەدالدارىن حوك-كە قايتارعان.
اراعا تاعى 4 جىل سالىپ برازيليادا چەمپيون اتانعان نيدجاد راحيموۆ ريو وليمپياداسىندا دوپينگ پايدالانعانى انىقتالىپ، مەدال قايتارىلدى.
