سولتۇستىك قازاقستان وبلىسىندا ءۇش اۋداندى سۋ باسۋ قاۋپى ءتونىپ تۇر، دەپ حابارلايدى "ادىرنا" ءتىلشىسى.
وبلىستا جاعداي كۇردەلى.
«وبلىستاعى سۋ تاسقىنى جاعدايى وتە كۇردەلى، تۇراقتى مونيتورينگ جۇرگىزىلۋدە. سەرگەەۆ سۋ قويماسىنىڭ تولىمدىلىعى تاڭعى 8:00-دە 163% قۇرادى. ەسىل وزەنىنىڭ جاعالاۋىندا قاۋىپ، كەدەرگى بايقالمايدى، سۋ قويماسىنداعى اعىن 355 سم قۇرايدى، بىراق سۋ تاسقىنى شەگىنە جەتكەن جوق»، - دەدى قانات دۇزەلباەۆ وتكەن بريفينگتە.
سونداي-اق، اكىم ورىنباسارى پاۆلوداردى دا سۋ باسۋ قاۋپى بارىن ايتادى.
«بولجام بويىنشا سۋدىڭ كوتەرىلۋى 4 مەترگە دەيىن جەتەدى. بۇل وبلىستىڭ 3 اۋدانى مەن پەتروپاۆل قالاسىن سۋ باسۋ قاۋپىن تۋدىرادى. سۋ باسۋ ايماعىنا 845 تۇرعىن ءۇي مەن 5 مىڭ ساياجاي كىرەدى. تاسقىن سۋ وبلىس ورتالىعىنا 7-8 كۇندە جەتەدى دەپ كۇتىلۋدە. وبلىستاعى 13 اۋداننىڭ 8-دە جاعداي قيىن. قار جامىلعىسى 38-دەن 50%-عا دەيىنگى دەڭگەيدە، 262 ەلدى مەكەندى سۋ باسۋ قاۋپى ساقتالۋدا»، - دەپ تولىقتىردى اكىمنىڭ ورىنباسارى.
