Soltústik Qazaqstan oblysynda úsh aýdandy sý basý qaýpi tónip tur, dep habarlaıdy "Adyrna" tilshisi.
Oblysta jaǵdaı kúrdeli.
«Oblystaǵy sý tasqyny jaǵdaıy óte kúrdeli, turaqty monıtorıng júrgizilýde. Sergeev sý qoımasynyń tolymdylyǵy tańǵy 8:00-de 163% qurady. Esil ózeniniń jaǵalaýynda qaýip, kedergi baıqalmaıdy, sý qoımasyndaǵy aǵyn 355 sm quraıdy, biraq sý tasqyny shegine jetken joq», - dedi Qanat Dúzelbaev ótken brıfıngte.
Sondaı-aq, ákim orynbasary Pavlodardy da sý basý qaýpi baryn aıtady.
«Boljam boıynsha sýdyń kóterilýi 4 metrge deıin jetedi. Bul oblystyń 3 aýdany men Petropavl qalasyn sý basý qaýpin týdyrady. Sý basý aımaǵyna 845 turǵyn úı men 5 myń saıajaı kiredi. Tasqyn sý oblys ortalyǵyna 7-8 kúnde jetedi dep kútilýde. Oblystaǵy 13 aýdannyń 8-de jaǵdaı qıyn. Qar jamylǵysy 38-den 50%-ǵa deıingi deńgeıde, 262 eldi mekendi sý basý qaýpi saqtalýda», - dep tolyqtyrdy ákimniń orynbasary.
