اقتوبە وبلىسىنا ساپارى بارىسىندا پرەمەر-مينيستر، سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنىنىڭ زارداپتارىن جويۋ جونىندەگى رەسپۋبليكالىق شتابتىڭ جەتەكشىسى ولجاس بەكتەنوۆ ەرىگەن سۋ سالدارىنان قيراعان بوگەتتى كورىپ قايتتى. بوگەتتىڭ سۋرەتى پرەمەر-ءمينيستردىڭ رەسمي سايتىندا جاريالانعان, - دەپ حابارلايدى "ادىرنا" ۇلتتىق پورتالى.
ولجاس بەكتەنوۆ كولەمى 15,8 ميلليون م3 بولاتىن ماعادجان بوگەتىن ارالاپ كوردى، وندا قارعىن سۋ اعىنى سالدارىنان ماعادجان سۋ قويماسىنىڭ بوگەتى بۇزىلعان. ول 1985 جىلى پايدالانۋعا بەرىلگەن. گيدروتەحنيكالىق قۇرىلىس جەكەمەنشىك "تۇلپار" جشس كومپانياسىنىڭ يەلىگىندە. قىزىلتۋ اۋىلىنان 25 ادام، تابانتال قىستاعىنان 11 ادام ەۆاكۋاتسيالاندى.
"جالپى وبلىستا تاسقىن قاۋپى ءالى سەيىلمەگەن. قازىر وزەندەردىڭ كوپشىلىگىندە سۋ ارناسىنان اسىپ كەتكەلى تۇر. وڭىردە 792 ءۇي سۋ استىندا قالدى. وبلىستىڭ 5 اۋدانىندا (قوبدا، مۇعالجار، تەمىر، ايتەكە بي، ويىل) جانە اقتوبە قالاسىندا جەرگىلىكتى اۋقىمداعى تابيعي سيپاتتاعى توتەنشە جاعداي جاريالاندى. سۋ تاسقىنىنا قارسى ءىس-شارالارعا جەكە قۇرامنان 3140 ادام، 664 تەحنيكا جۇمىلدىرىلدى. بارلىعى 8 978 ادام قاۋىپسىز جەرگە كوشىرىلدى", - دەلىنگەن حابارلامادا.
