سالتانات نۇكەنوۆانى ايۋاندىقپەن ءولتىردى دەپ ايىپتالعان قۋاندىق بيشىمباەۆ ءوزىنىڭ نۇكەنوۆانى ولەر الدىندا قالاي سوققىعا جىققانى تۋرالى ءوز نۇسقاسىن ايتىپ بەردى، دەپ حابارلايدى "ادىرنا" ۇلتتىق پورتالى.
«ول مەنىڭ ارتىمنان دورەكى سوزدەر ايتتى. مەن بارىپ ونى ءتورت رەت شاپالاقپەن ۇردىم. ول سول جەردە جاتتى، ورنىنان تۇرمادى. مەن نە بولىپ جاتقانىن تۇسىنە المادىم. مەنى ادەيى اشۋلاندىرعىسى كەلدى مە، ۇقپادىم. ونى جامباسىنان بىرنەشە رەت تەپكىلەدىم. مەن ونىڭ ايتقان سوزدەرىنە قاتتى اشۋلاندىم. الدىم دا، شاشىنان كوتەردىم»، - دەدى بيشىمباەۆ سوتتا جاۋاپ الۋ كەزىندە.
وسىلايشا بيشىمباەۆ 9 قاراشاعا قاراعان ءتۇنى بولعان وقيعانى ايتىپ بەردى.
ول تاڭەرتەڭ ونىڭ بەتىنىڭ ءبىر بولىگىنىڭ ىسىنگەنىن بايقاعانىن ايتادى. بۇل ونى قاتتى «ۋايىمداتقان». بيشىمباەۆ كورىپكەلگە تەلەفون سوعىپ، سالتاناتتىڭ ويانباعانىن، ونىڭ دەنەسىندە ۇلكەن جاراقات بار ەكەنىن ايتتى. كورىپكەل «سالتانات شارشادى، تەك ۇيىقتاۋ كەرەك» دەپ جاۋاپ بەردى.
«سودان كەيىن جۇرەگىم ايتەۋىر جەڭىلدەپ قالدى»، - دەيدى بيشىمباەۆ. سالتاناتتىڭ ءوزىن جاقسى سەزىنۋى ءۇشىن كورىپكەلدىڭ كومەكتەسۋىن وتىنگەن.
«مەن ونىڭ باسىنان ۇرعان جوقپىن. بايجانوۆقا اسپيرين مەن كەتونال اكەلۋگە شاقىردىم. وقيعا وسىلاي بولدى»، - دەدى سوتتالۋشى.
ونىڭ ايتۋىنشا، سالتانات جانجال كەزىندە باسىن دارەتحانا مەن ەدەنگە سوققان. ول ولاردىڭ كيكىلجىڭى مەن توبەلەسىنىڭ بەينەباقىلاۋ كامەرالارىنىڭ الەۋمەتتىك جەلىلەرگە تاراعانىن قالاماعاندىقتان، بيشىمباەۆ بارلىق جازبالاردى ءوشىرۋدى سۇراعانىن دا ايتتى.
