ورالدا دەركۇل جانە شاعان وزەندەرىندە سۋدىڭ شەكتى دەڭگەيدەن اسىپ كەتۋىنە بايلانىستى كەيبىر تۇرعىن ۇيلەر مەن ساياجايلاردى سۋ باسۋدا، دەپ حابارلايدى "ادىرنا" ۇلتتىق پورتالى قر توتەنشە جاعدايلار مينيسترلىگىنىڭ باسپاسوزىنە سىلتەپ.
قالا اكىمدىگى شاعان جانە دەركۇل وزەندەرىنىڭ جايىلماسىندا ورنالاسقان ساياجاي تۇرعىندارى مەن وندا 10 مىڭنان استام ادام ۋاقىتشا قاۋىپسىز جەرلەرگە كوشىپ جاتقانىن حابارلادى. ۋاقىتشا باسپاناسى جوق ادامدار ەۆاكۋاتسيالاۋ پۋنكتتەرىنە ورنالاستىرىلادى. تۇرعىنداردى ەۆاكۋاتسيالاۋ ءۇشىن بارلىعى 12 اۆتوبۋس ءبولىندى. تارتىپسىزدىككە جول بەرمەۋ ءۇشىن سۋ باسقان اۋماقتاردا پوليتسيا قىزمەتكەرلەرى تاۋلىك بويى كەزەكشىلىك ەتۋدە.
مامانداردىڭ باعالاۋىنشا، دەركول وزەنىنىڭ گيدروبەكەتىندە سۋ دەڭگەيى 708 (قاۋىپتى دەڭگەيى – 600-650 سم), شاعاندا 1 264 سانتيمەترگە، سونداي-اق جايىقتا 583 سانتيمەترگە جەتتى.
توتەنشە جاعدايلار مينيسترلىگى تۇرعىنداردان ۇرەيلەنبەۋدى، ۇسىنىستار بويىنشا ارەكەت ەتۋدى، كومەك قاجەت بولعان جاعدايدا 112 نومىرىنە حابارلاسۋدى سۇرايدى.
پوسموترەت ەتۋ پۋبليكاتسيۋ ۆ Instagram
شاعان مەن دەرقۇل وزەندەرىنىڭ دەڭگەيىنىڭ كوتەرىلۋىنە بايلانىستى سامال اۋدانىنداعى ساياجايلارعا سۋ جەتكەنى بۇعان دەيىن حابارلانعان بولاتىن. ميچۋرينسكوە، بىرىككەن، ارداگەر، زۆەزدوچكا جانە باسقا دا ساياجاي ۋچاسكەلەرىنىڭ تۇرعىندارى ەۆاكۋاتسيالانۋدا. ورال قالاسى اكىمدىگىنىڭ ءباسپاسوز قىزمەتى ناقتىلاعانداي، بۇل اۋماقتا 1 مىڭعا جۋىق ادام ساياجايلاردا تۇرادى.
