تراكتوردا بورلى وزەنىنەن ءوتۋ كەزىندە سۋدا جوعالىپ كەتكەن ەكى ازاماتتى ىزدەستىرۋ-قۇتقارۋ جۇمىستارى جالعاسىپ جاتىر، دەپ حابارلايدى "ادىرنا" ءتىلشىسى اباي وبلىستىق تجد-عا سىلتەپ.
ىزدەستىرۋ جۇمىستارىنا اباي وبلىسى جانە جەتىسۋ وبلىسى تجد جقج، پوليتسيا دەپارتامەنتى، جاو، قورعانىس مينيسترلىگىنىڭ كۇشتەرى مەن قۇرالدارىنان، جەرگىلىكتى تۇرعىندار، بارلىعى 63 ادام، 4 ءجۇزۋ قۇرالى، 9 بىرلىك تەحنيكا، 2 پيلوتسىز ۇشۋ اپپاراتارى، سونداي-اق پوليتسيا دەپارتامەنتىنىڭ ءبىر كينولوگيالىق ەسەبى جۇمىلدىرىلعان. ولار كۇن سايىن ساعات 06.00-دەن باستاپ تاۋلىكتىڭ قاراڭعى ۋاقىتى تۇسكەنگە دەيىن ىزدەستىرۋ جۇمىستارىن جالعاستىرۋدا.
جوعالعان ادامداردى سۇڭگۋىرلەردىڭ كومەگىمەن ىزدەستىرۋ جۇمىستارى سۋ ايدىندارىنىڭ كوكتەمگى لاستانۋىنا بايلانىستى سۋ استى كورىنۋىنىڭ ناشارلىعىمەن جانە وزەننىڭ اعىس جىلدامدىعىمەن كۇردەلەنەتىنىن ەسكەرتەمىز.
سونىمەن قاتار، ىزدەستىرۋ جۇمىستارىنا قورعانىس مينيسترلىگى مەن "قازاۆياقۇتقارۋ" اق تىكۇشاقتارى 4 رەت تارتىلدى.
ەستەرىڭىزگە سالا كەتەيىك، اعىمداعى جىلدىڭ 26 ناۋرىزىندا 09 ساع 29 مين "112" پۋلتىنە بورلى وزەنىنەن ءوتۋ كەزىندە ەكى ادامنىڭ وزەن ورتاسىندا تراكتورمەن تۇرىپ قالعانى تۋرالى حابارلاما كەلىپ ءتۇستى.
سونىمەن قاتار، كۋاگەرلەر بىرنەشە رەت اتقا ءمىنىپ، ولارعا كومەك ۇسىنعان، بىراق بەلگىسىز سەبەپتەرمەن جوعالىپ كەتكەندەر ادامدار ۇسىنىلعان كومەكتەن باس تارتقان جانە ولاردى تەحنيكامەن بىرگە ەۆاكۋاتسيالاۋدى كۇتكەن.
وسى ۋاقىتتا اياگوز قالاسىنىڭ جقج قۇتقارۋشىلارى "شىعىس" شارۋا قوجالىعىندا (اياگوز قالاسىنان 80 شاقىرىم جەردە) ىزدەستىرۋ جۇمىستارىن جۇرگىزىپ جاتقان بولاتىن، وندا 23 ناۋرىزدا وزەننەن ءوتىپ بارا جاتىپ، اتىنان قۇلاپ، 1977 جىلى تۋعان ەر ادام سۋعا كەتكەن بولاتىن. اتالعان ايماققا جەتۋ قيىن جانە وندا بايلانىس جوق.
وسىعان بايلانىستى بورلى وزەنىندە اۆاريالىق-قۇتقارۋ جۇمىستارىن جۇرگىزۋ ءۇشىن سەمەي قالاسىنان كۇشتەر مەن قۇرالدار جىبەرىلدى.
دەگەنمەن «تاسقىن سۋعا تاس ءتۇيىن دايىنبىز» دەگەن توتەنشە جاعدايلار ءمينيسترى بۇگىنگى بريفينگكە كەلمەدى. ونىڭ ورنىنا ورىنباسارى باۋىرجان سىزدىقوۆ باق وكىلدەرىنىڭ سۇراقتارىنا جاۋاپ بەردى.
اباي وبلىسىنا قاراستى اياگوز اۋدانىندا تراكتوردىڭ ۇستىنە 10 ساعات وتىرىپ، ەكى ازامات سۋعا اعىپ كەتكەن بولاتىن. قازىر ولاردىڭ دەنەسىن تابا الماي جاتىر.
ايتا كەتۋ كەرەك، جوعالعان ادامدار كوكتەمگى سۋ تاسقىنىنىڭ الدىن الۋ جۇمىستارىنا قاتىسقان ازاماتتار ەمەس.
