Traktorda Borly özenınen ötu kezınde suda joǧalyp ketken ekı azamatty ızdestıru-qūtqaru jūmystary jalǧasyp jatyr, dep habarlaidy "Adyrna" tılşısı Abai oblystyq TJD-ǧa sıltep.
Izdestıru jūmystaryna Abai oblysy jäne Jetısu oblysy TJD JQJ, polisiia departamentı, JAO, Qorǧanys Ministrlıgınıŋ küşterı men qūraldarynan, jergılıktı tūrǧyndar, barlyǧy 63 adam, 4 jüzu qūraly, 9 bırlık tehnika, 2 pilotsyz ūşu apparatary, sondai-aq Polisiia departamentınıŋ bır kinologiialyq esebı jūmyldyrylǧan. Olar kün saiyn saǧat 06.00-den bastap täulıktıŋ qaraŋǧy uaqyty tüskenge deiın ızdestıru jūmystaryn jalǧastyruda.
Joǧalǧan adamdardy süŋguırlerdıŋ kömegımen ızdestıru jūmystary su aidyndarynyŋ köktemgı lastanuyna bailanysty su asty körınuınıŋ naşarlyǧymen jäne özennıŋ aǧys jyldamdyǧymen kürdelenetının eskertemız.
Sonymen qatar, ızdestıru jūmystaryna Qorǧanys ministrlıgı men "Qazaviaqūtqaru" AQ tıkūşaqtary 4 ret tartyldy.
Esterıŋızge sala keteiık, aǧymdaǧy jyldyŋ 26 nauryzynda 09 saǧ 29 min "112" pultıne Borly özenınen ötu kezınde ekı adamnyŋ özen ortasynda traktormen tūryp qalǧany turaly habarlama kelıp tüstı.
Sonymen qatar, kuägerler bırneşe ret atqa mınıp, olarǧa kömek ūsynǧan, bıraq belgısız sebeptermen joǧalyp ketkender adamdar ūsynylǧan kömekten bas tartqan jäne olardy tehnikamen bırge evakuasiialaudy kütken.
Osy uaqytta Aiagöz qalasynyŋ JQJ qūtqaruşylary "Şyǧys" şarua qojalyǧynda (Aiagöz qalasynan 80 şaqyrym jerde) ızdestıru jūmystaryn jürgızıp jatqan bolatyn, onda 23 nauryzda özennen ötıp bara jatyp, atynan qūlap, 1977 jyly tuǧan er adam suǧa ketken bolatyn. Atalǧan aimaqqa jetu qiyn jäne onda bailanys joq.
Osyǧan bailanysty Borly özenınde avariialyq-qūtqaru jūmystaryn jürgızu üşın Semei qalasynan küşter men qūraldar jıberıldı.
Degenmen «Tasqyn suǧa tas tüiın daiynbyz» degen Tötenşe jaǧdailar ministrı bügıngı brifingke kelmedı. Onyŋ ornyna orynbasary Bauyrjan Syzdyqov BAQ ökılderınıŋ sūraqtaryna jauap berdı.
Abai oblysyna qarasty Aiagöz audanynda traktordyŋ üstıne 10 saǧat otyryp, ekı azamat suǧa aǧyp ketken bolatyn. Qazır olardyŋ denesın taba almai jatyr.
Aita ketu kerek, joǧalǧan adamdar köktemgı su tasqynynyŋ aldyn alu jūmystaryna qatysqan azamattar emes.
Ūqsas jaŋalyqtar
