تۇعىرلى تۇرانداعى بايگە: پىكىرسايىس قايىرىمدىلىققا جەتەلەيدى

ءوزىنىڭ ىرگەتاسىن تۇران ۋنيۆەرستيتەتىندە 8 جىل بۇرىن قالاعان “Idc Sirius” پىكىرسايىس كلۋبى قوعامدا قايىرىمدىلىق جاساۋعا ءوز ۇلەستەرىن قوستى. ناۋرىزدىڭ 2-3 جۇلدىزى كۇندەرى العاش رەت قايىرىمدىلىق جاساۋعا باعىتتالعان “Qamqor Cup ءى” رەسپۋبليكالىق پىكىرسايىس ءتۋرنيرىن وتكىزدى. بۇعان دەيىن 6 جىل قاتارىنان جىل سايىن رەسپۋبليكالىق تۋرنيرلەردى وتكىزىپ، تۇران ۋنيۆەرستيەتتىنەن وقۋشىلارعا 4,2 جىلدىق گرانتتاردى بەرەتىن. ستۋدەنتتەردىڭ ينتەللەكتۋالدى ساۋاتتارىن شىنىقتىرىپ قانا قويماي، قازاق ءتىلىنىڭ كەڭ اۋقىمدا تارالىپ، شەشەندىك ونەردىڭ دامۋىنا ۇلەس قوسىپ جۇرگەن كىشىگىرىم ۇيىم ەدى. ال وسى جىلى جاڭا دەممەن تەك ءبىلىم ەمەس، ادامدا بولۋى كەرەك ادامگەرشىلىك، مەيىرىم سياقتى قاسيەتتەردىڭ ستۋدەنتتەردە كەڭ تارالۋىنا ۇلەس قوستى. بۇل جوبا «Asar-ume» قايىرىمدىلىق قورىمەن بىرلەسە وتىرىپ اتقارىلدى جانە تۋرنيردەن تۇسكەن قاراجات «Asar-ume» ۇيىمىنا اۋدارىلدى. 67 فراكتسيا، 134 ادام قاتىسىپ،ءوز باقتارىن سىنادى جانە قايرىمدىلىققا ءوز ۇلەستەرىن قوستى. دەمەۋشىلەرىمىز “samal.water” ،“browdgy.kz” ، “bul.senim” ، “jops.optic.kaskelen” ، “ademi.shar”. ستۋدەنتتەر وتە كوپ كەشتەر ۇيىمداستىرىپ، قولدارىنان كەلگەنشە كوپ سومما جيناۋعا تىرىستى جانە سونىڭ ارقاسىندا ۇلكەن ناتيجەگە قول جەتكىزدىك. وسىنداي اۋقىمدى قوزعالىستان كەيىن جينالعان قاراجات - 1 155 797 تەڭگەنى قۇرادى.جينالعان سومما تولىعىمەن مۇمكىندىگى شەكتەۋلى جاندارعا قول ۇشىن سوزۋ ماقساتىندا يگى ىسكە جۇمسالدى. ۇلەسىن قوسقان ءاربىر جانعا شەكسىز العىسىمىزدى بىلدىرەمىز! بۇل سيريۋس ينتەللەكتۋالدى پىكىرسايىس كلۋبىنىڭ العاشقى ەرەكشە ءتۋرنيرى بولسا دا،ەستەن كەتپەس اتموسفەراعا تولى بولدى. جارق ەتپەي جارقىراپ،قايىرىمدىلىق جاساپ جارىسايىق !