استانادا بلوگەر ءارى بۇرىنعى ءانشى رۇستەم جۇگىنىسوۆكە ايىپپۇل سالىندى، دەپ حابارلايدى "ادىرنا" ۇلتتىق پورتالى.
بۇل تۋرالى سوتتىڭ ءباسپاسوز قىزمەتى حابارلادى.
مامانداندىرىلعان اكىمشىلىك قۇقىقبۇزۋشىلىق جونىندەگى اۋدانارالىق سوتتىڭ قاۋلىسىمەن ول اقبتك-ءنىڭ 453-بابى 2-بولىگىندە كوزدەلگەن قۇقىقبۇزۋشىلىقتى جاساعانى ءۇشىن كىنالى دەپ تانىلدى. جۇگىگۇنىسوۆكە 78 640 تەڭگە ايىپپۇل سالىنىپ، بۇقارالىق اقپارات قۇرالدارى ءونىمى تاركىلەندى.
اتالعان باپ قازاقستان اۋماعىندا الەۋمەتتىك، ناسىلدىك، ۇلتتىق، ءدىني، سوسلوۆيەلىك جانە تەكتىك ارازدىقتى قوزدىراتىن مالىمەتتەرى بار باق ونىمدەرىن تاراتۋعا قاتىستى.
سوتتا ونىڭ الەۋمەتتىك جەلىدەگى "جاڭا جىلدى تويلاۋ قاجەت پە؟ دەگەن سۇراققا جاۋاپ بەرگەنى جانە اقتوبەدەگى مەشىتكە بارعان قىزدى "باي ىزدەپ باردى" دەپ ايىپتاعان ەكى ۆيدەوسى قارالعان.
قاۋلى ءالى زاڭدى كۇشىنە ەنگەن جوق.
