پرەمەر-مينيستر سۋ تاسقىنى كەزەڭىنىڭ زارداپتارىن جويۋ جونىندەگى رەسپۋبليكالىق شتابتىڭ وتىرىسىن وتكىزدى، دەپ حابارلايدى "ادىرنا" ۇلتتىق پورتالى.
قۇرىلعان شتابتىڭ نەگىزگى مىندەتى – سۋ تاسقىنىنا قارسى ءىس-شارالاردى جۇرگىزۋ جانە ازاماتتاردىڭ قاۋىپسىزدىگىن قامتاماسىز ەتۋ جونىندەگى قىزمەتتى ۇيلەستىرۋ.
شتاب باسشىسى – پرەمەر-مينيستر ولجاس بەكتەنوۆ بولسا، پرەمەر-ءمينيستردىڭ سۋ جاڭا ورىنباسارى قانات بوزىمباەۆ شتاب باسشىسىنىڭ ورىنباسارى بولىپ تاعايىندالدى.
وتىرىس بارىسىندا مەملەكەت باسشىسىنىڭ تاپسىرمالارىنىڭ ورىندالۋى جانە سۋ تاسقىنىنا قارسى ءىس-شارالاردى كۇشەيتۋ تۋرالى مينيسترلەر مەن وڭىرلەردىڭ اكىمدەرى تىڭدالدى.
بۇگىندە تج ايماقتارىنان 11 306 ادام ەۆاكۋاتسيالانعان. ۋاقىتشا ورنالاستىرۋ بەكەتتەرىندە 5 456 ادام بار.
تج جاريالانعان وڭىرلەردە 40 اۆتوجولدى، كوپىردى جانە 39 جول توسەمىن سۋ شايىپ كەتكەن. قازىر قالپىنا كەلتىرۋ جۇمىستارى باقىلاۋعا الىندى.
"تج ايماقتارىنداعى حالىققا كومەك كورسەتۋ تاۋلىك بويى، ونىڭ ىشىندە اۋە كەمەلەرىنىڭ كومەگىمەن جۇزەگە اسىرىلىپ جاتىر. جۇمىسقا 7 مىڭنان استام ادام، 2 مىڭنان استام تەحنيكا، ونىڭ ىشىندە سۋ ايداۋ قۇرالدارى، ءجۇزۋ جانە اۋە كەمەلەرى تارتىلدى", - دەلىنگەن ۇكىمەتتىڭ ءباسپاسوز قىزمەتى تاراتقان حابارلامادا.
ۇكىمەت اقتوبە، سازدى، اششىسۋ، جارتاس سۋ قويمالارى ترانزيتتىك رەجيمدە جۇمىس ىستەپ تۇر، بەلسەندى تۇردە سۋ جىبەرۋ جۇزەگە اسىرىلىپ جاتقانىن ايتادى. ءۇيى اپاتتى دەپ تانىلعان زارداپ شەككەن ازاماتتاردىڭ ءتىزىمىن جەرگىلىكتى اكىمدىكتەر جاسايتىن بولادى
"مەملەكەت باسشىسى سۋ تاسقىنىنا قارسى ءىس-شارالاردى قاناعاتتانارلىقسىز دەپ سىنعا الدى. قازىردەن باستاپ اپاتتان كەلتىرىلگەن زالالدىڭ كولەمىن باعالاۋدى باستاپ، زارداپ شەككەن ادامدارعا دەرەۋ ماتەريالدىق كومەك كورسەتۋگە كىرىسۋ كەرەك. سونداي-اق بولاشاقتا مۇنداي اۋقىمدى سۋ تاسقىنىنىڭ الدىن الۋ ءۇشىن كەشەندى شارالار ازىرلەۋ قاجەت. ءار وڭىردە ناقتى ءىس-قيمىل جوسپارى بولۋعا ءتيىس", - دەدى شتاب توراعاسى ولجاس بەكتەنوۆ.
