پرەزيدەنت قاسىم-جومارت توقاەۆ قالامگەر دۇنيەدەن وتۋىنە بايلانىستى ونىڭ وتباسى مەن جاقىن تۋىستارىنا كوڭىل ايتتى.
ء"سابيت ايتمۇحانۇلى قازاق ادەبيەتىنىڭ وركەندەپ قانات جايۋىنا ەلەۋلى ۇلەس قوستى. ۇلتتىق پروزا مەن دراماتۋرگيانىڭ دامۋىنا ناعىز شىعارماشىل تۇلعا رەتىندە بار سانالى عۇمىرىن ارنادى. كوركەم تۋىندىلارى سۇيىكتى وقىرماندارىنىڭ تاراپىنان جوعارى باعالاندى. سوڭىنا وشپەس ادەبي باي مۇرا قالدىرعان ءسابيت ايتمۇحانۇلىنىڭ جارقىن بەينەسى حالقىمىزدىڭ جۇرەگىندە ماڭگى ساقتالادى. مارقۇمنىڭ يمانى سالامات، جانى ءجانناتتا بولسىن، – دەپ جازىلعان جەدەلحاتتا.
ءسابيت دوسانوۆ پرەزيدەنتكە ارناعان ماداقتاما جىر-شۋماقتارىن جازعان. ول ابىلاي حاننان نازارباەۆتى بيىك قويىپ، توگىلتە جىرلاعان.
جازۋشى افريكاداعى ءدۇندۋ، قازاقستانداعى قوستاناي قالالارىنىڭ، اقسۋات، امانكەلدى اۋداندارىنىڭ قۇرمەتتى ازاماتى اتانعان. كوپتەگەن رومان، پوۆەست، اڭگىمەلەردىڭ اۆتورى كوزى تىرىسىندە «قايىرلى تاڭ»، «جانر تاعدىرى»، «سەكسەن بەستىڭ كوكتەمى»، «اداسپاڭدار، ادامدار» اتتى كىتاپتاردى جازدى.
