مەكتەپ باعدارلاماسىنا «ياسساۋيتانۋ» ءپانىنىڭ ەنگىزىلۋى ەلىمىزدىڭ زاڭىنا قايشى كەلەدى. بۇل تۋرالى ءدىن زەرتتەۋشىسى تۇراربەك قۇسايىنۇلى وقۋ-اعارتۋ ءمينيسترى عاني بەيسەمباەۆقا جولداعان ۇندەۋىندە ايتتى، دەپ حابارلايدى «ادىرنا» ءتىلشىسى.
«باق بيىلدان باستاپ مەكتەپتە «ياسساۋيتانۋ»پانىنىڭ ەنگىزىلەتىنىن جارىسا جازدى.
ءوزىڭىز بىلەسىز، قازاقستان رەسپۋبليكاسى كونستيتۋتسياسىنىڭ 1-بابى،1-تارماعى بويىنشا ەلىمىز زايىرلى جانە ءدىن مەملەكەتتەن بولەك ەكەنى انىق جازىلعان.
كونستيتۋتسيا، ياعني اتا زاڭنىڭ ءار بابى — بۇلجىتپاي ورىندالۋى ءتيىس ماڭىزدى قۇجات. ەگەر اتا زاڭدا كورسەتىلگەندەي مەملەكەت، شىنىمەن، دىننەن بولەك بولاتىن بولسا، وندا اتالمىش زاڭعا ەشبىر مەمورگان قارسى شىقپاۋى كەرەك!»—دەدى ول.
تۇراربەك قۇسايىنۇلى قوجا احمەت ءياسساۋيدىڭ ورنىنا ءال-فارابي مۇراسىن زەرتتەۋدى ۇسىندى.
«سىزدەن ءدىني قايراتكەر قوجا احمەت ءياسساۋيدىڭ ءدىني جولىن ناسيحاتتايتىن «ياسساۋيتانۋدى» مەملەكەتتىك وقۋ ورنى بوپ تابىلاتىن مەكتەپتەن شۇعىل تۇردە الىپ تاستاپ، ونىڭ ورنىنا الەمدە 2-ۇستاز سانالاتىن ءال-فارابي بابامىزدىڭ عىلىمي جولىن تانۋعا شاقىراتىن «فارابيتانۋ» ءپانىن ەنگىزۋدى ءوتىنىپ سۇرايمىن»،ء—دىنتانۋشى.
ەسكە سالايىق، بۇعان دەيىن قوجا احمەت ءياسساۋيدىڭ 930 جىلدىعىنا وراي وتكەن رەسپۋبليكالىق عىلىمي كونفەرەنتسيادا مەكتەپ باعدارلاماسىنا «ياسساۋيتانۋ» ءپانى ەنگىزىلەتىنى ايتىلعان ەدى.
