استانانىڭ جاڭا اكىمى جۇمىسىن جيھازدار مەن كرەسلولاردى جاڭارتۋدان باستادى

اتاپ ايتساق، باستىق كرەسلوسىنىڭ ءار داناسىنا 210 مىڭ 151 تەڭگە (210 151.78 تەڭگە); ال باسشى كابينەتى ءۇشىن جيھازدىڭ ءار داناسىنا 1 540 285 تەڭگە (1 540 285,71 تەڭگە) جۇمسالماق. ناتيجەسىندە مەبەل اۋىستىرۋ ءۇشىن عانا اكىمدىك 3 921 178,54 تەڭگە جۇمساماق بولىپ وتىر.

ەرگونوميكالىق پىشىندەگى، بيىكتىگى 75 سم بولاتىن ۇستەل مەن ۇستەلگە قوياتىن تىرەۋىش، ءموبيلدى قوندىرعىنىڭ بولشەكتەرى; شكافتار، ت.ب. – بۇلار «باسشى كابينەتىنە ارنالعان مەبەلدەرگە» جاتادى. بۇل مەبەلدەرگە قويىلاتىن تالاپتار ارنايى قۇجاتتا بەكىتىلگەن.

ودان بولەك كرەسلو. كرەسلوعا قويىلاتىن تالاپتىڭ نەگىزگىسى -- 120 كگ دەيىن سالماق كوتەرە الۋى. بۇل كرەسلولاردىڭ ناقتى قاي باسشىعا ارنالعانى بەلگىسىز، دەسە دە وسى تالاپ نەگىزىندە بۇعان وتىراتىن ءتورت شەنەۋنىكتىڭ دە سالماعى 120-دان اسپايتىنى تۇسىنىكتى. مۇمكىن، بۇل تورتەۋدىڭ ءبىرى كولگىنوۆتىڭ ءوزى بولۋى دا مۇمكىن. مىناداي تالاپقا ساي كرەسلونىڭ قالا اكىمىن ەركىن كوتەرەتىنى انىق.

قۇجاتتاعى كرەسلوعا قويىلاتىن تالاپتار مىناداي:

«بوتيتسەلليدىڭ دب-13 باسشىسىنا ارنالعان كرەسلو – تىرەۋىش مەحانيزمى جوق، سالماق شەكتەۋلەرى: 120 كگ، نەگىزى: اعاش، جاقتاۋ: ءمونوليتتى ەمەس، ءوندىرۋشى: رەسەي قولعاپتارى: بيىكتىگى بويىنشا رەتتەۋ. تاۋارلاردىڭ كولەمى 130 ح 63 ح 71, قوراپ مولشەرى 94 x 80 x 65. ءوندىرۋشى ەلى رەسەي. ماكس 120 كگ جۇكتەۋ. ءتۇسى تاپسىرىس بەرۋشىمەن كەلىسىلەدى».

كونكۋرستىق قۇجاتتاماعا ساتىپ الىناتىن تاۋارلاردىڭ تەحنيكالىق ەرەكشەلىگى قىسقاشا ايتقاندا شامامەن وسى. № 3484117-1 جانە № 3484304-1 ساتىپ الۋ بويىنشا جاريالانعان كونكۋرستى قالا اكىمدىگى قاشان اياقتايتىنى بەلگىسىز. ويتكەنى، شارتتا ساتىپ الۋ مەن ونى ورناتۋ مەرزىمى – «كەلىسىمگە سايكەس" ەكەنى كورسەتىلگەن.

ماقالا "جاس الاش" گازەتىنەن الىندى

"ادىرنا" ۇلتتىق پورتالى