ماسكەۋدەگى Crocus City Hall عيماراتىندا تەراكت جاسادى دەپ ايىپتالعان ءتورت ازاماتتىڭ تۋىستارىنان جاۋاپ الىنۋدا، دەپ حابارلايدى “ادىرنا” ۇلتتىق پورتالى Reuters اگەنتتىگىنە سىلتەپ.
تاجىكستان قاۋىپسىزدىك قىزمەتى ايىپتالۋشىلاردىڭ تۋىستارىن دۋشانبەگە ۆاحدات پەن گيسسار قالالارىنان، سونداي-اق رۋداكي اۋدانىنان اكەلگەن.
رەسەي تەرگەۋشىلەرى تاجىكستانعا بارىپ، ۇستالعان ازاماتتاردىڭ تۋىستارىن تەرگەپ جاتىر.
تاجىكستان پرەزيدەنتى ەمومالي راحمون تاجىك تاراپى جۇرگىزىپ جاتقان تەرگەۋدى جەكە باقىلاۋعا العان.
24 ناۋرىزدا رەسەي پرەزيدەنتى ۆلاديمير پۋتينمەن سۇحباتىندا راحمون كروكۋستاعى لاڭكەستىك ارەكەتتى قاتاڭ ايىپتاپ، «تەررورشىلاردىڭ ۇلتى دا، وتانى دا، ءدىنى دە جوق» دەپ باسا ايتتى.
ول قازا بولعانداردىڭ وتباسى مۇشەلەرى مەن تۋعان-تۋىستارىنا قايعىرىپ كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىن تىلەدى.
