Aqtaýda komandır sarbazdyń basynan oryndyqpen urdy, dep habarlaıdy "Adyrna" tilshisi "Dıapazonǵa" siltep.
"25744" áskerı bóliminiń komandıri áskerge shaqyrylǵandardy taıaqpen tómpeshtegen. Komandırge qatysty "bıligin asyra paıdalandy" degen aıyppen qylmystyq is te qozǵalǵan. Degenmen sarbazdar komandırge keshirim beripti.
2-shabýyldaýshy batalon mınomet batareıasynyń 1 vzvod komandıri qol astyndaǵy sarbazdardy birneshe ret uryp-soqqan. Jańadan kelgen bir top áskerıdi sapqa turǵyzyp, birinen óz tegin surap, basynan aǵash soıylmen uryp jibergen. Alaıda sarbaz komandırdiń tegin qate aıtqany úshin soqqynyń astynda qalypty.
Bul komandırdiń alǵashqy soqqysy bolmaǵan. Mundaǵy sarbazdar da zábir kórgen. Tergeý ol muny óziniń óktemdigin kórsetý úshin jasady degen qorytyndyǵa keldi.
Judyryq ala júgirgen komandır jasaqqa keshigip kelgen sarbazdy da aıamaǵan. Onyń betinen judyryqpen uryp, artynsha onyń basynan oryndyqpen birneshe ret urǵan. Ol urýyna sebep - qatardaǵy jaýynger jattyǵý kezinde balaǵat sózder aıtqany delingen. Aıaýsyz soqqylardan keıin jigit basyn jaýyp, qorǵanǵan. Biraq komandır munymen toqtamaı, sarbazdy tepkilep tastaǵan. Odan bólek, komandırdiń judyryǵynan bir jaýynger tisin syndyrǵan.
Basylymnyń habarlaýynsha, taraptardyń tatýlasýy týraly aryz jazylǵan. Aıyptalýshynyń ózi de sotta óz kinásin moıyndaıtynyn jáne jábirlenýshilermen tatýlasýǵa kelisetini aıtyldy.
Sonyń nátıjesinde Aqtóbe garnızonynyń áskerı soty taraptardyń tatýlasýyna baılanysty qylmystyq isti qysqartqany habarlandy.
