ماقتاارال اۋدانى مىرزاكەنت اۋىلىنداعى 2037 اسكەري بولىمشەسىندە قىزمەتتە بولعان 19 جاستاعى سارباز قايتىس بولدى، دەپ حابارلايدى "ادىرنا" ءتىلشىسى Stan.kz اقپارات اگەنتتىگىنە سىلتەپ.
اسكەري بورىشىن وتەپ، ءوز ۇيىنە قايتۋىنا 10 كۇن قالعاندا جاس سارباز قايتىس بولعان.
اتالعان وقيعاعا قاتىستى ماقتاارال اۋدانى پوليتسيا ءبولىمى پىكىر ءبىلدىردى. پوليتسەيلەردىڭ ايتۋىنشا، وتان الدىنداعى بورىشىن وتەپ جۇرگەن سارباز نۇرعاسىر تەمىربەكوۆتىڭ ۇستىنە شەكارا سىمى قۇلاپ، قايتىس بولعان.
"اتالعان حابارلامانى تەكسەرۋ بارىسىندا 4 قىركۇيەكتە ساعات 08:30 شاماسىندا ماقتاارال اۋدانى جامبىل اۋىلدىق وكرۋگىنە قاراستى شەكارا بەلگىسى №190, №38 ۋچاسكەدە ءوزىنىڭ قىزمەتتىك بورىشىن اتقارىپ جۇرگەن قىزىلوردا وبلىسى جاڭا قورعان اۋدانى ا.مۇحاممەدجانوۆ كوشەسى №8 ءۇي تۇرعىنى 2004 جىلعى تەمىربەكوۆ نۇرعاسىر مەلسۇلى شەكارا سىمى ۇستىنە قۇلاپ ءتۇسىپ قايتىس بولعانى انىقتالدى",-دەپ حابارلايدى.
سونداي-اق، ساربازدىڭ ولىمىنە قاتىستى قازىر سوتقا دەيىنگى تەرگەپ-تەكسەرۋ جۇمىستارى ءجۇرىپ جاتىر.
"قازاقستان رەسپۋبليكاسى قىلمىستىق كودەكسىنىڭ 156-بابى 3-بولىگى كورسەتىلگەن قىلمىستىق قۇقىق بۇزۋشىلىقتىڭ بەلگىلەرىن دالەلدەيتىن جەتكىلىكتى دەرەكتەردىڭ بار ەكەنىن نازارعا الا وتىرىپ، قازاقستان رەسپۋبليكاسى قىلمىستىق-پروتسەستىك كودەكسىنىڭ 179, 184-باپتارىنا سايكەس وسى فاكت 04.09.2023 جىلعى، ۋاقىتى (11 ساعات 41 مينۋتتا) №235143031000321 بولىپ سوتقا دەيىنگى تەرگەپ-تەكسەرۋلەردىڭ بىرىڭعاي ءتىزىلىمىن تىركەۋ جۇرگىزىلەدى", - دەلىنگەن ماقتاارال اۋدانى پوليتسيا ءبولىمى كەلتىرگەن مالىمدەمەدە.
ۇقساس جاڭالىقتار
