«ناۋرىزناما» ونكۇندىگى اياسىندا «ۇلتتىق كيىم كۇنىنە» وراي «نەۆزوروۆتار وتباسى» بەينەلەۋ ونەرى مۋزەيى الاڭىندا «وبلىستىق مادەنيەت جانە حالىقتىق شىعارماشىلىق ورتالىعى» ۇيىمداستىرۋىمەن «ۇلتتىق STYLE» ءسان كورسەتىلىمى وتكىزىلدى.
ءىس-شارانىڭ باستى ماقساتى – ۇلتتىق كيىمدى ناسيحاتتاۋ جانە ءاربىر قازاقستاندىقتى ءوز مادەنيەتى مەن ۇلتتىق بىرەگەيلىگىن ساقتاپ وزىق داستۇرلەرىمىزدى قازىرگى زامانعا جالعاۋعا ۇيرەتۋ بولىپ تابىلادى.
- بۇگىنگى ءىس-شارا بارىمىزگە بەلگىلى ەلىمىزدەگى بيىل بەكىگەن ناۋرىزناما تۇجىرىمداماسى اياسىندا وتۋدە. بۇل جەردە تەك ۇلتتىق كيىم عانا ەمەس قالامىزداعى قول ونەر شەبەرلەرىنىڭ اشەكەي بۇيىمدارى جانە ءوز قولدارىمەن جاساعان باسقا دا بۇيىمدار كورسەتىلەدى، - دەدى وبلىستىق مادەنيەت جانە حالىق شىعارماشىلىعى ورتالىعىنىڭ ديرەكتورى ەرلان سۇلتانوۆ.
اباي وبلىسى بويىنشا شىعارماشىلىق، ەستەتيكالىق جانە ءسان دامۋىنىڭ وزىق مەكتەبى رەتىندە سانالاتىن «BRILLIANT MODELS» مەكتەبىنىڭ نەگىزىن قالاۋشىلارىمەن بىرلەسىپ، ءۇش نەگىزگى «رۋنا»، «قۇلىنشاق»، «جاننا بايمۇراتوۆا» ءسان كورسەتىلىمدەرى ۇسىنىلدى.
سونىمەن قاتار، ءىس-شارا بارىسىندا امىرە قاشاۋباەۆ اتىنداعى مەملەكەتتىك فيلارمونياسىنىڭ انشىلەرى جازيرا ازىلقياشوۆا، ادىلەت سەرىكوۆ، ايگۋل كاريموۆا قازاقتىڭ ۇلتتىق اسپاپتارىندا ويناپ ءوز ونەرلەرىن كورسەتتى.
