گەرمانيانىڭ قورعانىس ءمينيسترى بوريس پيستوريۋس ۋكرايناعا 500 ميلليون ەۋرو كولەمىندەگى اسكەري كومەكتىڭ جاڭا پاكەتىن جاريالادى. بۇل تۋرالى 19 ناۋرىزدا گەرمانياداعى امەريكالىق "رامشتاين" اۆيابازاسىندا ۋكراينانى قولداۋ جونىندەگى بايلانىس توبىنىڭ كەزدەسۋىندە ايتىلدى، دەپ حابارلايدى “ادىرنا” ۇلتتىق پورتالى.
ء"بىز وسى رامشتاينداعى كەزدەسۋگە شامامەن جارتى ميلليارد ەۋرو بولاتىن تاعى ءبىر كومەك پاكەتىن دايىندادىق", - دەدى پيستوريۋس.
رەسەي بۇعان دەيىن ناتو ەلدەرىنە ۋكرايناعا قارۋ-جاراق جەتكىزۋگە بايلانىستى نوتا جولداعان بولاتىن. رەسەي سىرتقى ىستەر ءمينيسترى سەرگەي لاۆروۆ ۋكرايناعا ارنالعان قارۋى بار كەز كەلگەن جۇك رەسەي ءۇشىن زاڭدى نىساناعا اينالاتىنىن ايتتى.
سونداي-اق، رەسەي سىرتقى ىستەر مينيسترلىگى ناتو ەلدەرى ۋكرايناعا قارۋ-جاراق جەتكىزىپ، "وتپەن ويناۋدا" دەپ مالىمدەدى.
رەسەي پرەزيدەنتىنىڭ ءباسپاسوز حاتشىسى دميتري پەسكوۆ ۋكرايناعا باتىستان قارۋ-جاراق جونەلتۋ رەسەي-ۋكراين كەلىسسوزىنىڭ وتۋىنە كەرى اسەر ەتەتىنىن ايتتى. ال لاۆروۆ اقش پەن ناتو ۋكرايناداعى قاقتىعىسقا "تەك قارۋ-جاراق جەتكىزۋ ارقىلى ەمەس، سونىمەن بىرگە ۇلىبريتانيا، گەرمانيا، يتاليا جانە باسقا ەلدەردىڭ اۋماعىندا كادر دايارلاۋ ارقىلى" تىكەلەي ارالاسىپ جاتقانىن مالىمدەدى.
