“مەن – ەركەكپىن. سويلەسەيىك، نەدەن قورقاسىڭ؟”: زەلەنسكي پۋتينگە بەينەۇندەۋ جولدادى

2934

ۋكراينا پرەزيدەنتى ۆلاديمير زەلەنسكي رەسەي ليدەرى ۆلاديمير ءپۋتيندى "سوعىستى توقتاتۋ ءۇشىن" كەلىسسوز ۇستەلىنە وتىرۋعا شاقىردى. زەلەنسكيدىڭ ايتۋىنشا، ول دونباسستاعى جاعدايدى تالقىلاۋعا دايىن. 

«ساعان نە بەرەيىك، نە كەرەك؟ جەرىمىزدەن كەت. قازىر كەتكىڭ كەلمەسە، كەلىسسوز وتكىزەيىك. مەن ەركىن اداممىن. كەلىسسوز ۇستەلىنە وتىر. تەك 30 مەترلىك ۇستەلگە ەمەس. مەن – كورشىڭمىن، مەنى 30 مەتر قاشىقتىقتا ۇستاۋدىڭ كەرەگى جوق. مەن – ەركەكپىن. سويلەسەيىك، نەدەن قورقاسىڭ؟ ءبىز ەشكىمگە قاۋىپ توندىرمەيمىز، تەرروريست ەمەسپىز. بوتەن جەردى دە جاۋلاپ العان جوقپىز»، - دەدى زەلەنسكي باتىس باق وكىلدەرىنە ارنالعان ءباسپاسوز ءماسليحاتى كەزىندە.

سونىمەن قاتار، ۋكراينا پرەزيدەنتى ناتو-نىڭ ءوز ەلىنىڭ اۋماعىندا سوعىس قيمىلدارىن توقتاتۋ مۇمكىندىگىنە كۇمان كەلتىردى.

زەلەنسكي ماسكەۋدىڭ كيەۆكە قوياتىن تالاپتارىن تۇسىنبەيتىنىن ايتتى.

"ءبىز رەسەيگە شابۋىل جاساپ جاتقان جوقپىز، وعان شابۋىل جاسامايمىز دا. ءبىز ناتو-دامىز با؟ جوق. بىزدە يادرولىق قارۋ بار ما؟ جوق. مەن نە ايتۋىم كەرەك، كىمگە بىردەڭە بەرۋىم كەرەك؟", - دەدى ءباسپاسوز ءماسليحاتىندا.

بۇعان دەيىن 3 ناۋرىزدا بەلارۋس اۋماعىندا رەسەي مەن ۋكراينا دەلەگاتسيالارى اراسىندا كەلىسسوزدەر وتكەن بولاتىن. بۇل كەلىسسوزدەردىڭ ەكىنشى راۋندى. الايدا ۋكراينا قالاعان ناتيجەگە جەتە المادى.

“ادىرنا” ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket