103 جىل بۇرىن كاسىبي رەجيسسەر داريعا ءتىنالينا ومىرگە كەلدى، دەپ حابارلايدى “ادىرنا” ءتىلشىسى.
قازاقتان شىققان تۇڭعىش كاسىبي كينورەجيسسەر ايەل 1921 جىلى 17 ناۋرىز كۇنى اقمولا وبلىسى ۆيشنەۆكا اۋدانىندا تۋعان.
ول الماتى تەاتر ۋچيليششەسىن، بۇكىلوداقتىق مەملەكەتىك كينەماتوگرافيستەر ينستيتۋتىنىڭ رەجيسسەرلىك فاكۋلتەتىن بىتىرگەن.
ەڭبەك جولىن اكتەرلىكتەن باستاعان داريعا ءتىنالينا «اق روزا»، «اباي اندەرى»، «جامبىل»، «رومانتيكتەر»، «ۇكىمەت مۇشەسى»، «الىپ تۋرالى ءان» كوركەم فيلمدەرىندەگى ەپيزودتاردا وينادى.
1953 جىلدان باستاپ رەجيسسەر رەتىندە جۇمىس ىستەپ، «قازاقستان كەڭىستىگىندە» اتتى عىلىمي-تانىمدىق ءفيلمدى دە تۇسىرگەن.
1954-1958 جىلدارى «موسفيلم» ستۋدياسىنىڭ رەجيسسەرى بولىپ، «سالتانات»، «يليا مۋرومەتس»، «ەرەكشە تاپسىرما»، «الىستاعى تاۋدا» اتتى كوركەم فيلمدەردىڭ تۇسىرىلۋىنە قاتىستى.
سونداي-اق داريعا ءتىنالينا 2009 جىلى «ەكران شەبەرى» اتاعىنا يە بولدى.
