ۇكىمەت ساعاتىندا ءماجىلىس دەپۋتاتى ەلنۇر بەيسەنباي قازاقشا قويىلعان سۇراقتى تۇسىنبەگەن ۇلتتىق ەكونوميكا ءبىرىنشى ۆيتسە-ءمينيسترى تيمۋر جاقسىلىقوۆتى سىنعا الدى، دەپ جازادى "ادىرنا" ۇلتتىق پورتالى.
"ەگەر مەنىڭ سۇراعىما، سىزگە جانە اۋىل شارۋاشىلىعى مينيسترلىگىنە، شەكارا قىزمەتىنىڭ ءبىرىنشى ورىنباسارىنا قويىلعانداي، قازاق تىلىندەگى سۇراققا ورىس تىلىندە جاۋاپ بەرەتىن بولساڭىز، وندا جاۋاپ قايتارماي-اق قويساڭىز بولادى. وزگە ۆيتسە-مينيستردەن قاعاز جۇزىندە جاۋاپتى ءوزىم الامىن. مەملەكەتتىك قىزمەتكەردىڭ، مەملەكەتتىك تىلدە قويىلعان قازاقشا سۇراعىنا وزگە تىلدە ورىس تىلىندە جاۋاپ بەرۋ «نونسەنس» دەپ سانايمىن. قۇرمەتتى ۆيتسە-مينيستر! مەن سىزدەن "ديپلوممەن اۋىلعا" باعدارلاماسىنىڭ قالاي ىسكە اسقانىن سۇراعان جوقپىن. مەن سىزدەن قانشا بالىقشىنى دايارلادىڭىزدار؟ قانشا بالىقشى ديپلوم الىپ، اۋىلعا باردى؟ قانشا بالىقشى ءۇي الدى جانە الەۋمەتتىك قولداۋ الدى؟ سونىمەن 2009 جىلدان بەرى 13 جىلدا قانشا بالىقشىعا قولداۋ كورسەتتىڭىزدەر؟ دەپ سۇرادىم عوي. ال "ديپلوممەن اۋىلعا" باعدارلاماسىن ءبىز سىزدەن ارتىق بىلەمىز. قانشا قاراجات بولىنگەنىن جانە قالاي ىسكە اسىپ جاتقانىن... قانشا بالىقشى باردى سونىمەن؟ 2009 دان بەرى... ەسەبى بار ما سىزدە؟", - دەدى ەلنۇر بەيسەنباي.
پوسموترەت ەتۋ پۋبليكاتسيۋ ۆ Instagram
"ادىرنا" ۇلتتىق پورتالى
