11-19 ناۋرىز قارۋلى كۇشتەردىڭ جاۋىنگەرلىك دايىندىق باعدارلاماسى شەڭبەرىندە قاراعاندى وبلىسىنىڭ اۋماعىندا ەكى جاقتى كوماندالىق-شتابتىق وقۋ-جاتتىعۋ وتەدى، دەپ حابارلايدى “ادىرنا” ۇلتتىق پورتالى قازتاگ-قا سىلتەمە جاساپ.
«قارۋلى كۇشتەردىڭ جاۋىنگەرلىك دايىندىق باعدارلاماسى شەڭبەرىندە 11-19 ناۋرىز ارالىعىندا قاراعاندى وبلىسىنىڭ اۋماعىندا ەكى جاقتى كوماندالىق-شتابتىق وقۋ-جاتتىعۋ وتەدى. جاۋىنگەرلىك دايىندىق ءىس-شارالارى كەزىندە قاراعاندى، الماتى، جەتىسۋ وبلىستارىنىڭ اۋماعىن ساربازدار مەن تەحنيكالار باسىپ وتەدى»،- دەلىنگەن حابارلامادا.
سونداي-اق، وقۋ-جاۋىنگەرلىك مىندەتتەردى پىسىقتاۋ ماقساتىندا بولىمشەلەر پوليگوندارعا تەمىر جول، اۋە جانە اۆتوموبيل كولىگى ارقىلى ارالاس تاسىلمەن مارش جاسايدى. كەيىن تۇراقتى ورنالاسۋ پۋنكتتەرىنە ورالادى.
«قورعانىس مينيسترلىگى اتالعان كەزەڭدە ءوڭىردىڭ جەكەلەگەن اۋداندارىندا شەكتەۋ شارالارى ەنگىزىلۋى مۇمكىن ەكەنىن حابارلايدى. وسىعان بايلانىستى ازاماتتاردان ءوتىپ جاتقان وقۋ-جاتتىعۋلارعا تۇسىنىستىكپەن قاراۋدى جانە تىنىشتىق ساقتاۋدى سۇرايمىز»،- دەدى قورعانىس مينيسترلىگى.
