Elimizde nesıe alý qıyndaıtyn bolady, dep habarlaıdy "Adyrna" tilshisi 24.kz-ke siltep.
Bankter men mıkroqarjy uıymdary úshin azamattarǵa nesıe berý talaptary qatańdatylatyny týraly Ulttyq bank tóraǵasy málimdedi.
"Elimizde boryshkerler jaıynda tutas aqparattyq júıe qurylatyn bolady. Qaryz alýshynyń jeke sáıkestendirý nómiri arqyly onyń barlyq nesıeleri týraly aqparat jınalady. Iaǵnı, ıpotekasy, avtokólik alǵan nesıesi, tutynýshylyq nesıe men aqshalaı qaryzdary týraly barlyq málimet óńdeledi. Osy rette tutas aqparattyq júıe qurylady", - dedi Tımýr Súleımenov.
Endi 90 kún boıy qaryzyn ótemeı júrgen azamattarǵa nesıe berilmeıtin bolady. Odan bólek ótelmegen nesıe boıynsha ósimpul salýǵa tyıym salynady.
Qazaqstan Respýblıkasy Ulttyq bankiniń tóraǵasy Tımýr Súleımenov azamattardyń sansyz nesıe alyp, qaryzǵa belshesinen batýyna jol bermeıtinin aıtty.
