جەلىدە تالدىقورعاندا ەر ادامنىڭ جۇمىس ورنىندا ايەلدى ۇرىپ-سوعىپ جاتقان ۆيدەوسى تارادى، - دەپ حابارلايدى "ادىرنا" ۇلتتىق پورتالى.
بولجام بويىنشا، ۆيدەوداعى ەر ادام الماتىلىق سوت-مەديتسينالىق ساراپشى مامانى دەگەن پىكىرلەر ايتىلادى.
"الماتى قالاسىنىڭ سوت ساراپتاماسى ينستيتۋتىنىڭ ساراپشىسىنا قاتتى ۇقسايتىن ەر ادام جۇمىس ورنىندا ايەلدى ۇرىپ-سوعىپ جاتىر. ىشكى ىستەر مينيسترلىگىنەن شارا قولدانۋىن سۇرايمىز", - دەلىنگەن ۆيدەونىڭ استىنداعى سيپاتتامادا.
جەتىسۋ وبلىسىنىڭ ءتارتىپ ساقشىلارى بىزگە حابارلاعانداي، وقيعا 9 قاڭتاردا تالدىقورعاندا بولعان.
"پوليتسيا بۇزاقىلىق بابى بويىنشا قىلمىستىق ءىس قوزعادى. وقيعا 9 قاڭتاردا تالدىقورعانداعى ينتەرنەت-دۇكەندەردىڭ بىرىندە بولعانى انىقتالدى. تەرگەۋ جالعاسۋدا. تەرگەۋ مۇددەسىنە قاتىستى باسقا مالىمەتتەر جاريا ەتىلمەيدى", - دەلىندى وبلىستىق پوليتسيا دەپارتامەنتىنىڭ جاۋابىندا.
ەسكەرتۋ! ۆيدەودا بەيادەپ سوزدەر قولدانىلادى!
https://youtu.be/PqaJXxVr-Wo
ۇقساس جاڭالىقتار
