ۆەنەسۋەلا پرەزيدەنتى نيكولاس مادۋرو ەلدە ماۋسىم ايىندا ۇكىمەتتى قۇلاتۋ ماقساتىندا استىرتىن ءسوز بايلاسقانداردىڭ ۇستالعانىن مالىمدەدى، - دەپ حابارلايدى ريا نوۆوستي.
"ۆەنەسۋەلا قوعامى مەن دەموكراتياسىنا شابۋىل جاساۋعا نيەتتەنگەن فاشيستىك جانە تەرروريستىك باندانى اشكەرە ەتىپ، ۇستادىق. ولار ۇستالدى، تولىق دالەلدەرىمەن قاماۋعا الىندى، 14 اي بويى وسى قىلمىستىق فاشيستىك توپتى اڭدىدىق", - دەپ مالىمدەدى مادۋرو مەملەكەتتىك تەلەارنا ەفيرىندە.
مۇنىڭ الدىندا بايلانىس جانە اقپارات ءمينيسترى حورحە رودريگەس 24 جانە 24 ماۋسىم كۇندەرى وپپوزيتسيانىڭ اقش-تىڭ، كولۋمبيانىڭ جانە ءچيليدىڭ قولداۋىمەن بيلىكتى قۇلاتىپ، مادۋرونى، ايەلى سيليا فلورەستى، سونداي-اق، ۇلتتىق قۇرىلتاي جيىنىنىڭ باسشىسى ديوسدادو كابەلونى ولتىرۋگە نيەتتەنگەنىن ايتىپ بەرگەن ەدى. رودريگەستىڭ ايتۋىنشا، بۇلىكشىلەر بيلىك باسىنا گەنەرال راۋل بادۋاەلدى كەلتىرمەك بولعان، وپپوزيتسياعا وتكەن ول قازىرگى ۋاقىتتا تۇرمەدە. مادۋرونىڭ ايتۋىنشا، بيلىكتىڭ قولىندا بيلىكتى قۇلاتپاق بولعانداردىڭ اڭگىمەسى جازىلعان 56 ساعاتتىق تاسپا بار، وندا اسكەريلەر مەن پوليتسەيلەر توبى جانە قازىرگى بيلىككە قىزمەت ەتەتىن ء"بىر-ەكى" اسكەري، بوگوتادان قارجىلاندىرىلاتىن "وڭ كۇشتەردەن جەڭىلگەن ساياساتكەرلەر" كىسى ءولتىرۋ جايلى ايتقان. "ولار "23 قاڭتاردىڭ" "كولەكتيۆوسىنىڭ" 30-50-60 مۇشەسىن قاندى قىرعىن ءۇشىن ولتىرمەك بولعانى جايلى ايتقان. ولار قوعامدىق قىزمەتتەر سالاسىن بۇزۋدى تالقىلادى - ينتەرنەت، تەلەفون بايلانىسى، ەلەكتر جەلىسى", - دەپ اتاپ ءوتتى مادۋرو. ونىڭ سوزىنشە، بيلىكتى قۇلاتپاق بولعاندار ەلدەگى گەنەرالداردىڭ 95 پايىزىن قىرۋدى ويلاعان. مادۋرو كولۋمبيا پرەزيدەنتى يۆان دۋكەنى دە ايىپتاپ وتىر. ونىڭ پىكىرىنشە، دۋكەنىڭ بۇل جاسىرىن ءسوز بايلاسۋعا قاتىسى بار، سونداي-اق، ول دومينيكان رەسپۋبليكاسىنان ااك وتستاۆكاداعى بريگادا گەنەرالى ەدۋاردو باەسا ترووەالبانى ەكستراديتسيالاۋدى تالاپ ەتتى.
"ادىرنا" ۇلتتىق پورتالى
