پاۆلودارداعى ورتالىق كوشەنىڭ «تاۋەلسىزدىك» اتاۋى «Nursultan Nazarbaev» بولىپ وزگەرتىلگەنى كۇنى كەشە ەدى. جەرگىلىكتى بيلىكتىڭ جۇرتشىلىق پىكىرىن ەسكەرمەي قابىلداعان شەشىمى ءتۇرلى الەۋمەتتىك توپتاردىڭ اراسىندا نارازىلىق كوڭىل كۇيىن تۋدىردى. سول كەزدىڭ وزىندە «تاۋەلسىزدىك» اتاۋىنان ءۇمىت ۇزبەي، قايتارۋعا تالپىندىق.
https://adyrna.kz/post/15958?
fbclid=IwAR1EyoJy8nwuoFIaQO0LAjoqkkbCxmCxXVujnKCgcaIupkCr1mBZYdxxLNM
امال نە، اكىمدىكتەگى اق جاعالى ۇلىقتار ءۇنىمىزدى ەستىگەن جوق! پاۆەل پاتشازادانىڭ اتىنا قويىلعان پاۆلودار اتاۋىن وزگەرتۋ، كوشەلەرگە «الاش»، «جەلتوقسان» اتاۋلارىن بەرۋ ماسەلەلەرىن دە كۇن تارتىبىنە قويعان ەمەس. سويتكەن بيلىك ەندى ورتالىق ساياباققا «قازاقستان حالقى اسسامبلەياسى» دەگەن اتاۋ بەرۋ ماسەلەسىن قولعا الدى! http://pavlodarnews.kz/index.php?id=25062
ەلىمىزدىڭ ەڭ ۇلى قۇندىلىعى – تاۋەلسىزدىك! تاۋەلسىزدىكتەن ارتىق قاسيەتتى ۇعىم جوق! ءتاۋ ەتەر جالعىز كيەمىز – تاۋەلسىزدىك! قازاقستان حالقى اسسامبلەياسى بولسا – تاۋەلسىزدىكتىڭ ارقاسىندا دۇنيەگە كەلگەن كوپ قۇرىلىمداردىڭ ءبىرى عانا.
ەندەشە ورتالىق ساياباققا «تاۋەلسىزدىك» اتاۋى بەرىلىپ، قالا تۇرعىندارىنا قاسيەتتى اتاۋ قايتارىلۋى كەرەك. ەگەر ونداعى اللەيالاردىڭ ءبىرى «قازاقستان حالقى اسسامبلەياسى» اتالسا قۇبا قۇپ.
شىرايلى شىمكەنتتىڭ كورىكتى ورىندارىنىڭ ءبىرى تاۋەلسىزدىك ساياباعى ەكەنىن پاۆلودار وبلىسىنىڭ اكىمى، وبلىس قازاقستان حالقى اسسامبلەياسىنىڭ توراعاسى بولات باقاۋوۆ مىرزانىڭ ەسىنە سالامىز.
ارمان قاني،
پاۆلودار قالاسى
فوتوسۋرەت http://pavlodarnews.kz سايتىنان الىندى.
"ادىرنا" ۇلتتىق پورتالى.
