Pavlodardaǵy ortalyq kósheniń «Táýelsizdik» ataýy «Nursultan Nazarbaev» bolyp ózgertilgeni kúni keshe edi. Jergilikti bıliktiń jurtshylyq pikirin eskermeı qabyldaǵan sheshimi túrli áleýmettik toptardyń arasynda narazylyq kóńil kúıin týdyrdy. Sol kezdiń ózinde «Táýelsizdik» ataýynan úmit úzbeı, qaıtarýǵa talpyndyq.
https://adyrna.kz/post/15958?
fbclid=IwAR1EyoJy8nwuoFIaQO0LAjoqkkbCxmCxXVujnKCgcaIupkCr1mBZYdxxLNM
Amal ne, ákimdiktegi aq jaǵaly ulyqtar únimizdi estigen joq! Pavel patshazadanyń atyna qoıylǵan Pavlodar ataýyn ózgertý, kóshelerge «Alash», «Jeltoqsan» ataýlaryn berý máselelerin de kún tártibine qoıǵan emes. Sóıtken bılik endi ortalyq saıabaqqa «Qazaqstan halqy Assambleıasy» degen ataý berý máselesin qolǵa aldy! http://pavlodarnews.kz/index.php?id=25062
Elimizdiń eń uly qundylyǵy – Táýelsizdik! Táýelsizdikten artyq qasıetti uǵym joq! Táý eter jalǵyz kıemiz – Táýelsizdik! Qazaqstan halqy Assambleıasy bolsa – Táýelsizdiktiń arqasynda dúnıege kelgen kóp qurylymdardyń biri ǵana.
Endeshe ortalyq saıabaqqa «Táýelsizdik» ataýy berilip, qala turǵyndaryna qasıetti ataý qaıtarylýy kerek. Eger ondaǵy alleıalardyń biri «Qazaqstan halqy Assambleıasy» atalsa quba qup.
Shyraıly Shymkenttiń kórikti oryndarynyń biri Táýelsizdik saıabaǵy ekenin Pavlodar oblysynyń ákimi, oblys Qazaqstan halqy Assambleıasynyń tóraǵasy Bolat Baqaýov myrzanyń esine salamyz.
Arman QANI,
Pavlodar qalasy
Fotosýret http://pavlodarnews.kz saıtynan alyndy.
"Adyrna" ulttyq portaly.
