مەملەكەت باسشىسى قاسىم-جومارت توقاەۆ سوت جۇيەسiنiڭ قىزمەتiن، سوت جۇيەسiندەگi مازمۇندىق رەفورمالاردىڭ، ادامنىڭ قۇقىقتارى مەن بوستاندىقتارىنىڭ سوت ارقىلى قورعالۋىن جۇزەگە اسىرۋعا ەرەكشە باسىمدىق بەرىپ وتىر. سەبەبى ەلىمىزدە حالىقتىڭ سوت جۇيەسىنە دەگەن سەنىمى از. ال قاراشا حالىقتىڭ سوتقا سەنىمىن قالاي ارتتىرۋعا بولادى؟
مەملەكەت باسشىسى قاسىم-جومارت توقاەۆ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋىندا زاڭ مەن ءتارتىپتى قامتاماسىز ەتۋدىڭ نەگىزى رەتىندە زاڭ ۇستەمدىگى مەن ساپالى سوت تورەلىگىن اتادى. قازاقستان رەسپۋبليكاسىنىڭ كونستيتۋتسياسىنا سايكەس سوت قورعاۋىنا قۇقىقتاردى قورعاۋدى قۇقىقتىق رەتتەۋ ەلدىڭ سوت جۇيەسىن جەدەل جاڭعىرتۋدى تالاپ ەتەدى.
«سوت رەفورماسى – بۇل قۇقىقتىق مەملەكەتتىڭ ماڭىزدى كريتەريى، ينۆەستيتسيالىق تارتىمدىلىقتىڭ نەگىزى، جەكەمەنشىك قۇقىعىن قورعاۋدى قامتاماسىز ەتۋ. سوت جۇيەسىن رەفورمالاۋدىڭ جاڭا تاسىلدەرى سۋديالاردىڭ تاۋەلسىزدىگىن ودان ءارى نىعايتۋدى، قوعامنىڭ سوتتارعا دەگەن سەنىمىن ارتتىرۋدى، سوت تورەلىگىن ىسكە اسىرۋعا جاڭا كاسىبي كادرلاردى تارتۋدى ىنتالاندىرۋدى، سوت پروتسەسىنىڭ ىڭعايلىلىعى مەن تيىمدىلىگىن كوتەرۋدى قامتاماسىز ەتۋى ءتيىس»، – دەدى پرەزيدەنت.
زاڭ عىلىمدارىنىڭ دوكتورى، پروفەسسور ەرمەك ابدۋراسۋلوۆ سوتتا تالاي ادامداردىڭ ءىسى قارالىپ جاتقانىن، بىراق ونىڭ كوپشىلىگى حالىققا ۇنامايتىنىن ايتادى.
«ولاردىڭ ىشىندە سوتىڭ شەشىمىن جاقتىرماي، «ءبىزدى كەلىسىمگە اكەلدى. بىراق ءبىز باسقا ينستانتسياعا جۇگىنە المايمىز. شەشىم ەندى وزگەرمەيدى» دەپ ايتىپ جاتادى. مەنىڭ ويىمشا، سول ءۇشىن مەدياتسيانى ياعني كەلىسىمگە كەلۋدى سوتتار مولشەرلەپ قولدانۋى كەرەك. ەڭ الدىمەن سوتتىڭ مورالدىك پريتسيپتەرى جوعارى بولۋى كەرەك. مىسالى كورۋپتسيادان اۋلاق بولىپ، بۇرىنعى بيلەر ايتقانداي «تۋرا بيدە تۋعان جوق» دەگەن قاعيدانى باسشىلىققا الۋ قاجەت. قازىرگى تاڭدا سوتتىڭ ادىلەتتىلىگى تۋرالى كوپ ايتىلىپ جاتىر. وكىنىشكە قاراي ءبىز ول ماقساتقا ءالى جەتە الماي جاتىرمىز»، – دەيدى ول.
شىنى كەرەك بارلىق دەڭگەيدەگى سوتتار تاۋەلسىز، اشىق جانە كاسىبي بولماسا، زاڭ ۇستەمدىگىن قامتاماسىز ەتۋ مۇمكىن ەمەس. سوندىقتان كوپ ۇزاماي سوتتاردىڭ مارتەبەسى مەن قىزمەتىنە قاتىستى ءتيىستى زاڭدارعا وزگەرىس ەنگىزىلەدى.
«قازىرگى تاڭدا ەكىنشى ينستانتسيانىڭ كۇشىن كوبەيتىپ جاتىر. ولار بۇرىنعىداي ءىستى قاراپ، سونان سوڭ ءبىرىنشى ينستانتسياعا «دۇرىس ەمەس» دەپ قايتارىپ جىبەرەتىن. ەندى ولار ونداي جاعدايلار بولسا، ونى تولىق ءوزى قاراۋعا قۇقىعى بار. ەكىنشى سوت داياراۋ ماسەلەسى بويىنشا بيىلدان باستاپ سوت تورەلىگى اكادەمياسى جوعارى سوتتىڭ قول استىننان جوعارى سوت كەڭەسىنە وتەدى. بۇل وتە دۇرىس شەشىم. سەبەبى سوت ول تەك قانا سوت تورەلىگىن جۇرگىزۋمەن اينالىسۋ كەرەك – دەيدى ەرمەك ابدۋراسۋلوۆ.
