قازاقستان رەسپۋبليكاسى پارلامەنت ءماجىلىسىنىڭ توراعاسى ەرلان قوشانوۆ رەسەيگە رەسمي ساپارمەن باردى. بۇل تۋرالى تومەنگى پالاتانىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
بۇعان دەيىن 4-5 ناۋرىز كۇندەرى قوشانوۆ ماسكەۋ جانە قازان قالالارىنا بارادى دەپ جوسپارلانعان.
ماسكەۋدە رەسەي فەدەرالدىق جينالىسى مەملەكەتتىك دۋماسىنىڭ توراعاسى ۆياچەسلاۆ ۆولودينمەن جانە رەسەي فەدەرالدىق جينالىسى فەدەراتسيا كەڭەسىنىڭ توراعاسى ۆالەنتينا ماتۆيەنكومەن ەكىجاقتى كەزدەسۋلەر وتەدى.
قازاندا ءماجىلىس توراعاسى تاتارستان باسشىسى رۋستام ميننيحانوۆپەن جانە تاتارستان مەملەكەتتىك كەڭەسىنىڭ توراعاسى فاريد مۋحامەتشينمەن كەزدەسەدى.
تاراپتار پارلامەنتارالىق ىنتىماقتاستىقتى دامىتۋ جونىندەگى جوسپارلار، سونداي-اق وڭىرارالىق ەكونوميكالىق ىنتىماقتاستىق پەن ءوزارا مادەني-ءبىلىم بەرۋ ماسەلەلەرىن تالقىلايدى.
