«ازەربايجاندار قاۋىمداستىعى» رقب توراعاسى ابيلفاس حامەدوۆ قازاقستاندىقتاردى العىس ايتۋ كۇنىمەن قۇتتىقتادى، دەپ حابارلايدى «ادىرنا» ءتىلشىسى.
«ارداقتى اعايىن! قالىپتاسقان ونەگەلى ءداستۇر بويىنشا، ءبىز، كوكتەمنىڭ العىشقى كۇنىندە ەل ازاماتتارىن، بارشا وتانداستارىمىزدى، باۋىرلارىمىزدى مىزعىماس بىرلىك پەن قۇرىشتاي ىنتىماققا، شىنايى باۋرىلاستىق پەن ءوزارا قۇمەتكە، ىزگىلىككە ءھام بەرەكەتكە جەتەلەيتىن العىس ايتۋ كۇنى مەرەكەسىن اتاپ وتەمىز.
بارشاعا دا ءمالىم بولعانداي، بۇل مەرەكە – قان-قاساپ قۋعىن-سۇرگىن، ناۋبەت جىلدارىندا اۋىر ازاپ شەككەن حالىقتارعا دارحان دا دارا بولمىسىمەن قۇشاق جايعان، ءدام-تۇزىمەن بولىسە وتىرىپ تاعدىرشەشتى تاريحي قولداۋ كورسەتكەن قازاق حالقىنا ريزاشىلىق ءبىلدىرۋ كۇنىمەن قاتار، ەلىمىزدەگى تاتۋ-ءتاتتى ءومىر ءسۇرىپ جاتقان بارشا ازاماتتاردىڭ، وتانداستاردىڭ ءوزارا باۋىرلاستىعىن، دوستىعى مەن بىرلىگىن، ىنتىماعىن بەكەمدەي تۇسەتىن، ءوزارا ىزەت پەن قۇرمەتتىڭ جارقىن ۇلگىسىن تەك ەلىمىزدە عانا ەمەس، سونىمەن قاتار كۇللى الەمگە ماقاتانىشپەن پاش ەتەتىن ماڭىزدى كۇن»،—دەدى ول.
ايتۋىنشا، بۇل كۇننىڭ ماڭىزى مەن مازمۇنى قازىرگى تاڭدا ايرىقشا ورىن الىپ وتىر.
«ەلىمىز، پرەزيدەنتىمىز قاسىم-جومارت توقاەۆتىڭ باستاماسىمەن ادىلەتتى قازاقستاندى قۇرۋ جولىندا. بۇل تۇستا، پرەزيدەنتىمىز بۇگىنگى قۇتتىقتاۋىندا ايتىپ وتكەندەي: «وسىنداي سىندارلى ساتتە ەلدىك مۇددەنى بارىنەن بيىك قويىپ، ىرىس-ىنتىماعىمىزدى ساقتاۋ وتە ماڭىزدى» بولىپ تابىلادى. سوندىقتان دا، بۇگىنگى بىرەگەي مەركەگە وراي ءوزىم باسقاراتىن «ازەربايجاندار قاۋىمداستىعى» رقب جانە ءوز اتىمنان، قازاقستانىمىزدىڭ جارقىن بولاشاعى مەن ەلدىڭ ىنتىماعى جولىندا تىنباي ەڭبەكتەنىپ جۇرگەن بارشا باۋىرلارىمىزدى، قازاقستان حالىقتارى اسسامبلەياسىنىڭ بارلىق مۇشەلەرىن شىن جۇرەكتەن قۇتتىقتاي وتىرىپ، ادىلەتتى قازاقستاندى قۇرۋ جولىندا ەل پرەزيدەنتى قاسىم-جومارت توقاەۆقا شىن جۇرەكتەن العىسىمىزدى جانە پرەزيدەنتىمىزدىڭ باستامالارىن تولىق قولدايتىنىمدى مالىمدەيمىن»،—دەپ تولىقتىردى توراعا.