جاقىن ارادا تاجىكستاندا پرەزيدەنتتىك گرانت الۋعا ءوتىنىم قابىلداۋ باستالادى. باعدارلاما قولونەرشىلەردى قولداۋ جانە وسى سالانى دامىتۋعا ارنالىپ وتىر. بۇل تۋرالى ەڭبەك، كوشى-قون جانە حالىقتى جۇمىسپەن قامتۋ مينيسترلىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى Centralasia.news-كە سىلتەمە جاساپ.
«بيىل ارقايسىسى 25000 سومونيدەن (1 029 250 تەڭگە — رەد.) 20 گرانت ءبولىندى. كونكۋرسقا قاتىسۋعا وتىنىمدەر 1 ساۋىرگە دەيىن مەملەكەتتىك تىلدە قابىلدانادى»،—دەلىنگەن حابارلامادا.
ەستەرىڭىزگە سالا كەتەيىك، بۇعان دەيىن ەل ۇكىمەتى قولونەرشىلەرگە گرانتتىق قولداۋ كورسەتۋ تۋرالى قاۋلى قابىلداعان بولاتىن. قۇجات 2024 جىلدان 2026 جىلعا دەيىن جۇمىس ىستەۋدى جانە 1,5 ميلليون سوموني كولەمىندە 60 گرانت قۇرۋدى كوزدەپ وتىر. بۇل باستاما تاجىكستانداعى قولونەر سالاسىن دامىتۋعا جانە شەبەرلەردى قولداۋعا باعىتتالعان.
