بۇرىنعى ادىلەت ءمينيسترى مارات بەكەتاەۆتىڭ قاماۋعا الۋ مەرزىمى ۇزارتىلدى، دەپ حابارلايدى “ادىرنا” ۇلتتىق پورتالى.
«2024 جىلعى 12 اقپاندا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى بەكەتاەۆ م.-عا قاتىستى قاماۋعا الۋ تۇرىندەگى بۇلتارتپاۋ شاراسىن 2024 جىلدىڭ 21 ناۋرىزىنا دەيىن ۇزارتۋعا سانكتسيا بەردى»، - دەپ حابارلادى استانا سوتى.
ەستەرىڭىزگە سالا كەتەيىك، بەكەتاەۆ 21 قازاندا پرەزيدەنت قاسىم-جومارت توقاەۆ جاريالاعان زاڭسىز تاركىلەنگەن اكتيۆتەردى قايتارۋ ناۋقانى اياسىندا سىبايلاس جەمقورلىق ءىسى بويىنشا ۇستالعان بولاتىن. بەكەتاەۆ قاڭتار وقيعاسى بويىنشا كىنالى دەپ تانىلىپ، قازىر جازاسىن وتەپ جاتقان ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆتىڭ سىبايلاسى بولىپ سانالادى.
ايتا كەتەيىك، بەكەتاەۆتىڭ قاڭتار وقيعاسىنا دەيىن كەڭەسشىسى بۇرىنعى سەناتور قايرات قوجامجاروۆپەن بىرگە بىرقاتار اتىشۋلى قىلمىستىق ىستەردى ويدان شىعارۋعا قاتىسى بار دەپ ەسەپتەلەتىن سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ ەكس-باسشىسى تالعات تاتاباەۆ بولعان. كەيىن ونىڭ ەلدەن قاشپاق بولعان جەرىندە ۇستالعانى بەلگىلى بولدى.
