استانا اۋەجايىنداعى ورتكە بايلانىستى 18 رەيس كەيىنگە شەگەرىلدى

739
Adyrna.kz Telegram
فوتو: قر تجم
فوتو: قر تجم

استانا حالىقارالىق اۋەجايىنداعى تەرمينالدىڭ ەلەكتر قالقانىنان شىققان ورتكە بايلانىستى اۋەجايدان ۇشاتىن 18 رەيس كەيىنگە شەگەرىلدى، دەپ حابارلايدى "ادىرنا" ۇلتتىق پورتالى.

كەشىكتىرىلگەن رەيستەردىڭ ناقتى ۇشۋ ۋاقىتى بەلگىسىز.

"استانا حالىقارالىق اۋەجايىنان ۇشاتىن 18 رەيس كەيىنگە قالدىرىلدى: KS205 استانا-دۋباي، DV702 استانا-شىمكەنت، KS 952 استانا-الماتى، IQ389 استانا-جەزقازعان، KS 7052 استانا-الماتى، استانا-الماتى، DV-783Astana3Astanau, KS-203-Astana TK 357 استانا-ستامبۋل، DV 747 استانا-پاۆلودار، KS7341 استانا-قوستاناي، DV821 استانا-پۋلكوۆو، KS 852 استانا-الماتى، KS7315 استانا - قىزىلوردا، Lo196 Astana-Qostana, IDVa6saw, IDVa7saw كەنت، IQ437 Ac Tana -پەتروپاۆل، KS345 استانا-وسكەمەن", - دەلىنگەن اۋەجايدىڭ ءباسپاسوز قىزمەتىنىڭ حابارلاماسىندا.

ورىن العان كەلەڭسىز جاعداي ءۇشىن استانا اۋەجايىنىڭ اكىمشىلىگى جولاۋشىلاردان كەشىرىم سۇراپ، تەگىن سۋ مەن سۋسىندار تاراتىپ جاتقانىن حابارلادى.

"جاعداي شەشىلگەننەن كەيىن قوسىمشا اقپاراتتى بەرەمىز. قولايسىزدىقتار ءۇشىن جولاۋشىلارىمىزدان كەشىرىم سۇرايمىز. استانا حالىقارالىق اۋەجايىنىڭ اكىمشىلىگى جولاۋشىلارعا سۋ مەن سۋسىن تاراتىپ جاتىر. از ۋاقىتتا اكىمشىلىك جولاۋشىلاردى جەڭىل تاعامدارمەن قامتاماسىز ەتەدى", - دەپ مالىمدەدى اۋەجايدىڭ ءباسپاسوز قىزمەتى.

ايتا كەتەيىك، 27 اقپان كۇنى ساعات 07:50-دە استانا حالىقارالىق اۋەجايىنىڭ ەلەكتر قالقانىنان ءورت شىققانى تۋرالى حابار تۇسكەن بولاتىن. ساعات 08:24-تە ءورت تولىعىمەن وقشاۋلاندى. ءورتتى ءسوندىرۋ كەزىندە قاتتى ءتۇتىننىڭ سالدارىنان اۋەجاي تەرمينالىنداعى بارلىق جولاۋشىلار قاۋىپسىز جەرگە كوشىرىلدى.

"ادىرنا" ۇلتتىق پورتالى

پىكىرلەر