Astana halyqaralyq äuejaiyndaǧy terminaldyŋ elektr qalqanynan şyqqan örtke bailanysty äuejaidan ūşatyn 18 reis keiınge şegerıldı, dep habarlaidy "Adyrna" ūlttyq portaly.
Keşıktırılgen reisterdıŋ naqty ūşu uaqyty belgısız. "Astana halyqaralyq äuejaiynan ūşatyn 18 reis keiınge qaldyryldy: KS205 Astana-Dubai, DV702 Astana-Şymkent, KS 952 Astana-Almaty, IQ389 Astana-Jezqazǧan, KS 7052 Astana-Almaty, Astana-Almaty, DV-783Astana3Astanau, KS-203-Astana TK 357 Astana-Stambul, DV 747 Astana-Pavlodar, KS7341 Astana-Qostanai, DV821 Astana-Pulkovo, KS 852 Astana-Almaty, KS7315 Astana - Qyzylorda, Lo196 Astana-Qostana, IDVa6saw, IDVa7saw kent, IQ437 Ac Tana -Petropavl, KS345 Astana-Öskemen", - delıngen äuejaidyŋ baspasöz qyzmetınıŋ habarlamasynda. Oryn alǧan keleŋsız jaǧdai üşın Astana äuejaiynyŋ äkımşılıgı jolauşylardan keşırım sūrap, tegın su men susyndar taratyp jatqanyn habarlady. "Jaǧdai şeşılgennen keiın qosymşa aqparatty beremız. Qolaisyzdyqtar üşın jolauşylarymyzdan keşırım sūraimyz. Astana halyqaralyq äuejaiynyŋ äkımşılıgı jolauşylarǧa su men susyn taratyp jatyr. Az uaqytta äkımşılık jolauşylardy jeŋıl taǧamdarmen qamtamasyz etedı", - dep mälımdedı äuejaidyŋ baspasöz qyzmetı. Aita keteiık, 27 aqpan künı saǧat 07:50-de Astana halyqaralyq äuejaiynyŋ elektr qalqanynan ört şyqqany turaly habar tüsken bolatyn. Saǧat 08:24-te ört tolyǧymen oqşaulandy. Örttı söndıru kezınde qatty tütınnıŋ saldarynan äuejai terminalyndaǧy barlyq jolauşylar qauıpsız jerge köşırıldı."Adyrna" ūlttyq portaly
Ūqsas jaŋalyqtar
