Astana áýejaıyndaǵy órtke baılanysty 18 reıs keıinge shegerildi

740
Adyrna.kz Telegram
Foto: QR TJM
Foto: QR TJM

Astana halyqaralyq áýejaıyndaǵy termınaldyń elektr qalqanynan shyqqan órtke baılanysty áýejaıdan ushatyn 18 reıs keıinge shegerildi, dep habarlaıdy "Adyrna" ulttyq portaly.

Keshiktirilgen reısterdiń naqty ushý ýaqyty belgisiz.

"Astana halyqaralyq áýejaıynan ushatyn 18 reıs keıinge qaldyryldy: KS205 Astana-Dýbaı, DV702 Astana-Shymkent, KS 952 Astana-Almaty, IQ389 Astana-Jezqazǵan, KS 7052 Astana-Almaty, Astana-Almaty, DV-783Astana3Astanau, KS-203-Astana TK 357 Astana-Stambýl, DV 747 Astana-Pavlodar, KS7341 Astana-Qostanaı, DV821 Astana-Pýlkovo, KS 852 Astana-Almaty, KS7315 Astana - Qyzylorda, Lo196 Astana-Qostana, IDVa6saw, IDVa7saw kent, IQ437 Ac Tana -Petropavl, KS345 Astana-Óskemen", - delingen áýejaıdyń baspasóz qyzmetiniń habarlamasynda.

Oryn alǵan keleńsiz jaǵdaı úshin Astana áýejaıynyń ákimshiligi jolaýshylardan keshirim surap, tegin sý men sýsyndar taratyp jatqanyn habarlady.

"Jaǵdaı sheshilgennen keıin qosymsha aqparatty beremiz. Qolaısyzdyqtar úshin jolaýshylarymyzdan keshirim suraımyz. Astana halyqaralyq áýejaıynyń ákimshiligi jolaýshylarǵa sý men sýsyn taratyp jatyr. Az ýaqytta ákimshilik jolaýshylardy jeńil taǵamdarmen qamtamasyz etedi", - dep málimdedi áýejaıdyń baspasóz qyzmeti.

Aıta keteıik, 27 aqpan kúni saǵat 07:50-de Astana halyqaralyq áýejaıynyń elektr qalqanynan órt shyqqany týraly habar túsken bolatyn. Saǵat 08:24-te órt tolyǵymen oqshaýlandy. Órtti sóndirý kezinde qatty tútinniń saldarynan áýejaı termınalyndaǵy barlyq jolaýshylar qaýipsiz jerge kóshirildi.

"Adyrna" ulttyq portaly

Pikirler