يۋنيسەفتىڭ حابارلاۋىنشا، گازاداعى قارۋلى قاقتىعىستار مەن ازىق-تۇلىك جەتىسپەۋىنىڭ سالدارىنان بالالار اش-جالاڭاش ءجۇر، دەپ حابارلايدى “ادىرنا” ۇلتتىق پورتالى.
ەلدەگى وقيعالاردىڭ كەسىرىنەن كوپتەگەن بالالاردىڭ دەنساۋلىعى ناشارلاعان.
سونداي-اق گازاداعى ءار ءتورتىنشى وتباسى، ياعني جارتى ميلليونعا جۋىق ادام تويىپ تاماق ىشپەيتىنى دە ايتىلدى.
بۇل جاعداي وسىلاي جالعاسا بەرسە، الداعى ۋاقىتتا بەس جاسقا دەيىنگى 10 مىڭ بالانىڭ ومىرىنە ۇلكەن قاۋىپ ءتونىپ، مەديتسينالىق كومەككە ءزارۋ بولماق. وعان قوسا قازىر ءوڭىردىڭ دەنساۋلىق ساقتاۋ جۇيەسىنىڭ جاعدايى دا ءماز ەمەس. اۋرۋحانالاردىڭ ۇشتەن ەكى بولىگى جۇمىس ىستەمەيتىنى دە انىقتالدى.
ال بۇۇ وكىلدەرى جوعارىدا اتالعان ماسەلەلەرگە بايلانىستى تەز ارادا قاقتىعىستى توقتاتۋ كەرەك ەكەنىن ايتادى.
بۇعان دەيىن، بۇۇ-نىڭ مالىمدەۋىنشە، گازا سەكتورىنداعى “جاڭا تۋعان نارەستەلەردىڭ” كوپشىلىگى جەتىم قالعانى تۋرالى حابارلاعان بولاتىنبىز.
“ادىرنا” ۇلتتىق پورتالى
