قازاقستاندا الداعى ءۇش كۇندە اياز باسەڭدەيدى دەپ كۇتىلۋدە، دەپ حابارلايدى "ادىرنا" پورتالى. بۇل تۋرالى «قازگيدرومەت» رمك ءباسپاسوز قىزمەتى مالىمدەدى.
«اركتيكالىق انتيتسيكلون قازاقستاننىڭ سولتۇستىگىندە، شىعىسىندا، وڭتۇستىك-شىعىسىندا جانە ورتالىعىندا ايازدى اۋا رايىن ساقتاۋدى جالعاستىرۋدا. الايدا وڭتۇستىك تسيكلونمەن ەلىمىزدىڭ باتىسىندا، سولتۇستىك-باتىسىندا، وڭتۇستىگىندە جانە وڭتۇستىك-شىعىسىندا قار جاۋىپ، ءالسىن-ءالسىن ىزعار بولادى; تاۋلى ايماقتاردا قالىڭ قار جاۋادى، سونداي-اق رەسپۋبليكانىڭ وڭتۇستىك-شىعىسىندا اياز بىرتىندەپ السىرەيدى»، - دەلىنگەن دۇيسەنبىدە جاريالانعان 20-22 اقپانعا ارنالعان اۋا رايى بولجامىندا.
باتىستا اۋا تەمپەراتۋراسىنىڭ تومەندەۋى كۇتىلۋدە: تۇندە -10-25, كۇندىز -5-15, رەسپۋبليكانىڭ سولتۇستىك جانە ورتالىق ايماقتارىندا اۋا تەمپەراتۋراسى تۇندە -28-38, - كۇندىز 15-23, شىعىس وبلىستاردا تۇندە -32-45, كۇندىز -20-32, رەسپۋبليكانىڭ وڭتۇستىك-شىعىسىندا تۇندە -15-25, كۇندىز 0-گە دەيىن بىرتىندەپ كوتەرىلەدى.