مەتەورولوگتار ەلىمىزدىڭ 8 قالاسىندا قولايسىز مەتەورولوگيالىق جاعداي ساقتالاتىنىن ايتتى، دەپ حابارلايدى "ادىرنا" ءتىلشىسى
8 قالادا: استانا، شىمكەنت، پاۆلودار، وسكەمەن، سەمەي، ريددەر، قاراعاندى جانە تەمىرتاۋدا اۋانىڭ لاستانۋىنىڭ قولايسىز مەتەورولوگيالىق جاعدايلارى كۇتىلۋدە.
مەتەورولوگتار 21 قاڭتاردا قازاقستان اۋماعىنداعى اۋا رايىنا توقتالدى.
"بۇرىنعىداي رەسپۋبليكانىڭ باسىم بولىگى انتيتسيكلوننىڭ ىقپالىندا بولادى. جاۋىن-شاشىنسىز اۋا رايى ساقتالادى. تەك رەسپۋبليكانىڭ باتىسىندا جانە وڭتۇستىك-شىعىسىندا اتموسفەرالىق فرونتتاردىڭ وتۋىمەن تۇراقسىز اۋا رايى كۇتىلەدى. مۇندا قار، كوكتايعاق جانە بۇرقاسىن بولادى، تۇمان جانە جەلدىڭ كۇشەيۋى كۇتىلەدى", - دەلىنگەن مەتەورولوگتار حابارلاماسىندا.سونداي-اق، ەلىمىزدىڭ ءۇش وبلىسىندا اۋا رايىنا بايلانىستى جولدار جابىلدى.
ۇقساس جاڭالىقتار
