جەتىسۋ وبلىسىندا بىرقاتار اۋىل مەن كوشەنىڭ اتاۋى وزگەردى. بۇل تۋرالى وبلىستىق ءماسليحات دەپۋتاتى گۇلناز مۇستافا ايتتى، دەپ حابارلايدى «ادىرنا» ءتىلشىسى.
«پەنجىم ەندى پيدجيم دە، پەنجىم دە، بەنجىم دە ەمەس. اتاۋى تۇسىنىكسىز اۋىل پانفيلوۆ اۋدانىندا ورنالاسقان. ەندى ول اتامەكەن دەپ اتالاتىن بولادى. ال سول وڭىردەگى تاعى ءبىر اۋىل - لەسنوۆكا ەلدى مەكەنىنە تالدى اتاۋى قايتارىلادى. الاكول اۋدانىنىڭ جىلاندى اۋىلدىق وكرۋگىنە قاراستى ءاشىم اۋىلىنا دا بۇرىڭعى توڭكەرىس اتاۋى قايتارىلادى»،—دەدى ول.
ايتۋىنشا، وبلىستىق ونوماستيكا كوميسسياسى اۋماق حالقىنىڭ پىكىرىن ەسكەرە كەلە قورىتىندى جاساعان. بۇدان بولەك، دەپۋتات تالدىقورعان قالاسىنداعى اۋدان جانە كوشە اتاۋلارىنىڭ وزگەرەتىنىن حابارلادى.
«تالدىقورعان قالاسىنىڭ 9-شاعىن اۋدانى «قۇلاگەر»، 10-شاعىن اۋدانى – «ءال-فارابي» دەپ اتالادى، قالاداعى ۆوروشيلوۆ پەن نەۆسكي كوشەلەرى بۇدان بىلاي نۇرعيسا تىلەنديەۆ، ابدۇلحاق ابدۇلحالىقوۆتىڭ اتىن الادى. ال «شايقورعان» مەن «بالاۋسا» دەپ اتالاتىن قۇرامداس بولىگىندەگى بارلىق كوشەلەرىنە جاڭا اتاۋلار بەرىلەدى»،—دەپ تولىقتىردى گۇلناز مۇستافا.
