«Amanat» پارتياسىنىڭ دەپۋتاتتارى سامات نۇرتازا مەن جۇلدىز سۇلەيمەنوۆا پرەمەر-ءمينيسترىنىڭ ورىنباسارى تامارا دۇيسەنوۆاعا دەپۋتاتتىق ساۋال جولدادى، دەپ حابارلايدى "ادىرنا" ءتىلشىسى.
دەپۋتاتتار قازىرگى تاڭدا تەحنيكالىق جانە كاسىپتىك ءبىلىم بەرۋ جۇيەسىندە پەداگوگيكالىق كوللەدجدەردىڭ جالپى جۇمىس جاساۋ جۇيەسىنە كوڭىلى تولماي، ادىستەمەلەرگە بولەك قولداۋ كورسەتۋ كەرەكتىگىن ايتتى.
ء"وزىڭىز بىلەتىندەي بيىل قازاقتىڭ كورنەكتى جازۋشىسى، دراماتۋرگ، پۋبليتسيست، قازاق ادەبيەتىن قالىپتاستىرۋشىلاردىڭ ءبىرى، ءار مۇعالىم ۇلگى تۇتاتىن جۇسىپبەك ايماۋتوۆتىڭ 135 جىلدىق مەرەي تويى اتالىپ وتپەكشى. الايدا، وسىنداي اتاۋلى جىلدا بۇگىنگى ءبىلىم بەرۋ سالاسىندا اقاۋلىقتار بار ەكەنى ءمالىم.
وسىعان وراي، مەنىڭ دەپۋتاتتىق ساۋالىمدا پەداگوگ كادرلاردى دايارلاۋدى جەتىلدىرۋگە قاتىستى بىرنەشە ۇسىنىستارىمدى ايتقىم كەلىپ وتىر", - دەدى دەپۋتات.
دەپۋتاتتار بيلىككە جازباشا ساۋال جولداپ، جاۋاپ كۇتەتىنىن ايتتى.
- جوعارعى وقۋ ورنىنا تۋىستاس ماماندىقتارعا قابىلداۋعا ءبىلىم بەرۋ گرانتىن كوبەيتۋ تۋرالى.
- تەحنيكالىق جانە كاسىپتىك ءبىلىم بەرۋ جۇيەسىندەگى پەداگوگ قىزمەتكەرلەرىنىڭ مارتەبەسىن كوتەرۋ تۋرالى.
- پەداگوگ كادرلاردىڭ بىلىكتىلىگىن ارتتىرۋ كۋرستارى مەن تاعلىمدامادان ءوتۋ تۋرالى.
- «تەحنيكالىق جانە كاسىپتىك، ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا قابىلداۋدىڭ ۇلگىلىك قاعيدالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2018 جىلعى 18 قازانداعى № 578 بۇيرىعىنا وزگەرىس ەنگىزۋ تۋرالى.
