جىل سايىن كازتالوۆ اۋدانىندا جاس ماماندار سانى ارتۋدا، دەپ حابارلايدى "ادىرنا" ءتىلشىسى.
وتكەن جىلى جۇمىسشىلار قاتارى 12 دارىگەر، 16 ورتا بۋىن مەديتسينا قىزمەتكەرلەرىمەن تولىقتى.
2023 جىلى ەكى اۋرۋحاناعا جالپى قۇنى 761 ميلليون تەڭگەنى قۇرايتىن 51 دانا ءتۇرلى مەديتسينالىق قوندىرعىلار مەن جابدىقتار، 8 بىرلىك جەدەل جاردەم اۆتوكولىك الىنعان.
قاراوبا دارىگەرلىك امبۋلاتورياسىنا كۇردەلى جوندەۋ جۇمىستارى جۇرگىزىلىپ، پايدالانۋعا بەرىلگەن. ال اۋدانعا قاراستى قاراوزەن اۋىلىندا فەلدشەرلىك-اكۋشەرلىك پۋنكت، بوستاندىق اۋىلىندا دارىگەرلىك امبۋلاتوريا سالىنىپ، حالىق يگىلىگىنە تابىستالدى.
№2 اۋرۋحانانىڭ اۋلاسىن اباتتاندىرۋ جۇمىستارى جۇرگىزىلسە، قايشاقۇدىق اۋىلىنا مودۋلدىك مەديتسينالىق پۋنكت سالىنۋدا. جاقىن ارادا پايدالانۋعا بەرىلگەن.
كازتالوۆ اۋداندىق اۋرۋحاناسىن 2024 – 2025 جىلدارى جاپسارلاس قۇرىلىس جۇرگىزىلىپ، كوپبەيىندى ورتالىق اۋرۋحاناعا اينالدىرۋ جوسپارلانۋدا.
اۋداندىق اۋرۋحانانى اۋدانارالىق اۋرۋحاناعا اينالدىرۋ ءۇشىن قوسىمشا شتاتتار ەنگىزۋ جانە 36 دارىگەر، 56 ورتا بۋىن مەديتسينالىق قىزمەتكەرلەر قاجەت ەتەتىن بولادى.
وبلىس اكىمى ناريمان تورەعاليەۆتىڭ قولداۋىمەن اۋدانعا سەمەي، تۇركىستان، اقتوبە، ورال قالالارىنان جانە جانىبەك اۋدانىنان كەلگەن 6 مامان دارىگەردى قىزمەتتىك تۇرعىن ۇيلەرمەن قامتاماسىز ەتۋ ماقساتىندا جاڭادان سالىنعان 6 تۇرعىن ءۇيدىڭ كىلتىنە يە بولدى.
ايتۋلى شاراعا قاتىسقان مەديتسينا سالاسىنىڭ ارداگەرى كۇنسۇلۋ يسكاكوۆا مەن تۇرعىن ۇيگە قول جەتكىزگەن جالپى تاجىريبەلى دارىگەر، جاس مامان ءمولدىر بەكباتىرقىزى ءسوز الىپ، قولداۋ بىلدىرگەن وبلىس، اۋدان باسشىلارىنا العىستارىن دا ءبىلدىردى.
