سولتۇستىكتە كىسى ءولتىرىپ، قاراقشىلىق جاساعان جاسوسپىرىمدەر ۇستالدى، دەپ حابارلايدى "ادىرنا" ۇلتتىق پورتالى Massaget.kz-كە سىلتەپ.
سوتتالۋشىلاردى القابيلەر اقتادى. جوعارعى سوت مالىمەتىنشە، ايىپتالۋشى جابىرلەنۋشىنىڭ ءۇيىنىڭ اۋلاسىنا كىرىپ، ونى ءولتىرىپ، 150 مىڭ تەڭگەسىن ۇرلاپ كەتكەن. ەكى ايدان كەيىن ايىپتالۋشىلاردىڭ ءبىرى اجەسىنىڭ، ودان كەيىن دوسىنىڭ 2 ملن تەڭگەدەن استام اقشاسىن ۇرلاپ العان.
"توناۋ جانە كىسى ءولتىرۋ بويىنشا ايىپتالۋشىلار كىناسىز دەپ تانىلىپ، كىنالارى دالەلدەنبەگەندىكتەن اقتالدى. ولاردىڭ ءبىرى بوتەننىڭ مۇلكىن ۇرلاعانى ءۇشىن كىنالى دەپ تانىلدى. ونىڭ كىناسى مويىنداۋلارىمەن، جابىرلەنۋشىلەردىڭ، كۋالاردىڭ ايعاقتارىمەن جانە قىلمىستىق ءىس ماتەريالدارىمەن دالەلدەندى", - دەلىنگەن سوت مالىمەتىندە.
ايىپتالۋشى ءجاسوسپىرىمنىڭ كامەلەتكە تولماعاندىعى، كىناسىن ءىشىنارا مويىنداۋى جانە 3-توپتاعى مۇگەدەكتىگى بارلىعى اتالىپ، جازاسى جەڭىلدەتىلگەن. ايىپتالۋشى 2 جىلعا باس بوستاندىعىنان ايىرۋ جازاسىنا كەسىلدى. ۇكىم زاڭدى كۇشىنە ەنگەن جوق.
